InfoHub Logo

Kel, kel Jańa jyl!
Qatysqan tulǵalar:
Eresekter: Aıaz ata, Aqshaqar, Qoıan, Túlki.
Balalar: Tyshqan.
Balalar mýzyka zalyna ádemi áýenmen kirip, jartylaı sheńberge turady.

Júrgizýshi:
Búgin sizge jyrdan alqa taǵaıyn,
Shat kúlkige toly bolsyn mańaıyn.
Kórgender de, kórmegen de armanda.
Jańa jylyn qutty bolsyn, aǵaıyn!
Zeńgir kókte juldyz bolyp janaıyn,
Aı júzindeı aıshyqtanyp araıyn.
Janǵa shýaq, boıǵa qýat ákelgen,
Jańa jylyn qutty bolsyn, aǵaıyn!
Balalar óleń joldaryn oqıdy.
Jańa jyl, jańa jyl
jańa jylda jańa jyr.
Jasyl shyrsha janynda,
Jadyrap bar bala júr.
Tamasha, tamasha!
Shyrshamyz tur jarasa.
Basynda ásem juldyzy
Kóz toımaıdy qarasa.
Jasyl jıek jamylǵan,
Asyl monshaq taǵylǵan,
Mine, sulý shyrshamyz
Kópten kútip, saǵynǵan

Júrgizýshi: Endi merekemizdi ádemi ánmen bastaıyq
«Kel, kel jańa jyl» áni (mýzykasy men sózi E. Golsovanniki)
Balalar oryndyqqa otyrady.

Júrgizýshi: Shelek qalpaq basynda
Sábiz eken tanaýy
Qysta qardan týatyn,
Taýyp kórshi, sen ony.
Kóńildi mýzykanyń súıemeldeýimen Aqqala kiredi.

Júrgizýshi: Bul ne ózi? Netken ǵajap? Óziń shyqtyń qaıdan, a?
Aqqala: Meniń atym – Aqqala,
Úırengem sýyq, qarǵa da.
Murnym meniń sábizden
Mine, mine qarańdar!
Al merekeniń qurmetine.
Shelegimdi aýystyrdym qalpaqqa!
Emespin men qarapaıym Aqqala.
Kóńildimin, sotqarlaýmyn az ǵana!
Oınaǵandy unatamyn men óte,
Júgiremin, bı bıleımin tamasha!

Balalar, al sender bılegendi unatasyńdar ma? Óte jaqsy! Onda bárimiz birge bıleıik!

«Aqqala balalarmen birge jalpy bıi»

(A. Spadavekkıdiń «dobryı jýk» mýzykasynyń súıemeldeýimen)

Aqqala: Jaraısyńdar, balalar! Óte kóńildi bıledińder! Oı, múldem umytyp ketippin! Men senderge Aıaz ata jiberdi ǵoı. Ol senderdiń shyrshalaryńda ádemi, túrli tústi shamdardyń joq ekenin bilip, senderge sony berip jiberdi.

Aqqala qaltasynan shamdardy izdeıdi jáne bos lentany shyǵarady.
Aqqala: Men qatty asyqtym, Merekege búgingi
Sóıtip júrip umyttym Shyrshany bezendirýdi.
Jol – jónekeı shamdardy Alyppyn – aý túsirip
Kóńilderińdi qaldyrdymTurmyn ózim qysylyp!
(Aqqala jylaıdy)

Júrgizýshi: Ýaıymdama, Aqqala. Biz balalarmen birge saǵan shamdardy izdeýge kómektesemiz. Tek sen qaı jolmen kelgenińdi kórsetshi.
Aqqala: Ras pa, balalar? Sender maǵan kómektesesińder ǵoı? Onda tezdetińder, jolǵa shyǵaıyq, shamdardy qardyń astynda qalmaı turyp taýyp alaıyq. Al biz sonda meniń kóńildi parovozymmen shyǵamyz.
Mýzykanyń súıemeldeýimen balalar parovozdyń jyljyǵanyn salady. Aqqala shyrshany aınalyp júredi.

Janybekova Janna Meırambaıqyzy
Qaraǵandy q., № 91 JBBOM jańyndaǵy
«Botaqan» shaǵyn ortalyǵynyń tárbıeshisi
Kel, kel Jańa jyl! júkteý