InfoHub Logo

Qazaqstan boıynsha jańa Konstıtýsıaǵa arnalǵan respýblıkalyq referendým ótip jatyr. Eldegi saılaý ýchaskeleri tańǵy saǵat 7-den keshki 8-ge deıin jumys istedi. Alaıda, Almaty qalasyndaǵy №622 saılaý ýchaskesinde birtúrli jaǵdaı tirkeldi.

Bul týraly Infohub.kz aqparat agenttigi habarlaıdy.

Eki azamat ýchaskege kelip, daýys bergisi kelgenimen, saılaýshylar tiziminde joq bolyp shyqty. Komısıa músheleri olardyń daýys bere almaıtynyn habarlaǵanda, azamattar «ótirik qaǵaz berińizshi, sýretke túsip alaıyn» dep ótinish jasady. Ýchaske qyzmetkerleri buǵan kelispegenimen, eki adam daýys berý jáshiginiń janynda turyp, sýretke túsip úlgerdi. Nelikten mundaı áreketke barǵanyn suraǵanda, olar naqty jaýap bermedi.

Referendýmnyń jalpy barysy

Eldegi referendým belgilengen tártippen ótip jatyr. Daýys berýge 18 jasqa tolǵan jáne saılaýshylar tizimine engizilgen azamattar qatysa alady. Búleten alý úshin jeke kýálik nemese pasport, sondaı-aq eGov Mobile, Kaspi.kz, Halyk qosymshalaryndaǵy sıfrlyq qujattar jaramdy.

Búletende jańa Konstıtýsıany qabyldaý-qabyldamaý týraly bir ǵana suraq qoıylǵan. Sheshim qabyldanýy úshin saılaýshylardyń jartysynan astamy daýys berýge qatysyp, basym kópshiligi qujatty qoldaýy tıis. Referendýmnyń resmı qorytyndylary saılaý aıaqtalǵannan keıin jeti kún ishinde jarıalanady.

Almatydaǵy №622 ýchaskedegi oqıǵa áleýmettik jelilerde qyzý talqylanyp, azamattardyń bul áreketiniń mán-jaıy áli de belgisiz bolyp otyr.