InfoHub Logo

Tárbıe saǵatynyń taqyryby: «Keleshegi kemel Qazaqstan» (slaıdymen)
Tárbıe saǵatynyń maqsaty: Oqýshylardy elin súıýge, Otanǵa degen maqtanysh sezimin arttyrýǵa, memleketimizdi odan ári nyǵaıtý, elimizdiń erteńi jastardyń qolynda ekenin uǵyndyrý, patrıotızmge tárbıeleý.
Kórnekilikter: slaıd, kórme.
Tárbıe saǵat barysy:
Kesh jaryq, qurmetti ustazdar men oqýshylar!
«Keleshegi kemel Qazaqstan» atty aýyzsha jýrnal túrinde ótetin tárbıe saǵatymyzǵa qosh keldińizder.
Bilektiń kúshi, naızanyń ushymen qorǵalǵan jerimizdiń ótken tarıhymen búgingi jarqyn beıbit kórinisine nazar aýdaraıyq:
Vıdeo
Aýyzsha jýrnalymyzdyń birinshi beti «Kemel eldiń kemeńger kóshbasshysy»
Ekinshi beti «Tarıhy tereń, keleshegi kemel Astana»
Úshinshi beti: «Kemel eldiń keleshegi bilimdi urpaq»
Táýelsiz Qazaqstannyń irgetasyn qalap, shekarasyn shegelep, bolashaqqa baǵyt - baǵdar bergen Tuńǵysh Prezıdenttiń halyq aldyndaǵy eńbegi ushan - teńiz. Qazaqstannyń egemendi el atanýyna elbasymyzdyń qosqan úlesi zor
Sol sebepti jýrnalymyzdyń alǵashqy betin kemeńger kóshbasshymyzǵa arnamaqpyz.
Qazaqstan Respýblıkasynyń memlekettik basshysy - memlekettiń ishki jáne syrtqy saıasatynyń negizgi baǵyttaryn aıqyndaıtyn, el ishinde jáne halyqaralyq qatynastarda Qazaqstannyń atynan ókildik etetin laýazymdy tulǵa.
Elbasymyzdyń ómir jolymen tanystyryp óteıik.
Nurbek:
Balalyq shaǵy
• Nursultan Ábishuly Nazarbaev 6 - shilde 1940 jyly Almaty oblysy Qaskeleń aýdanyndaǵy Shamalǵan aýylynda týǵan. Balalyq shaǵy tarshylyq jaǵdaıda ótti. Úlkenderdiń mal baǵýyna, baý - baqsha ósirýine kómek kórsetip, shópshek terip, otyn jarǵan. Mektepti jaqsy oqyp, jaqsy bilim aldy. Ata - anasyn qatty qurmet tutty.
Zamıra:
Jumysshy Nursultan
• Ol erte eseıdi, orta mektepti bitire salysymen Keńes Odaǵyndaǵy asa iri Qaraǵandy metalýrgıa kombınatynyń kólemdi qurylysyna attandy. Qurylysta biraz eńbek etkennen keıin bir top qazaqstandyqtarmen Ýkraınanyń Dneprodzerjınsk qalasyna baryp metalýrg – jumysshy mamandyǵyn meńgerdi. Bul shoıyn quıýshy, domna peshiniń kómekshisi jumystaryn atqardy, al keıinirek ınjener dárejesine kóterildi.
Samal:
Prezıdenttiń saıası ómirbaıanynyń bastaýy
• Sol jyldary onyń basshylyq qasıetteri jarqyrap kórindi. Qalalyq, oblystyq jáne respýblıkalyq kólemde basshy organdarda jaýapty qyzmetter atqardy. Metalýrgıalyq kombınatynda partkom hatshysy, Temirtaý qalalyq, Qaraǵandy oblystyq jáne respýblıkalyq partıa uıymdarynda ekonomıkalyq salaǵa jaýap beretin hatshy boldy.
Ol Qazaqstan Úkimetin basqarǵanda 44 jasta boldy. Osylaısha onyń saıası ómirbaıany bastalady.