InfoHub Logo

Kelin túsirgennen keıin toıǵa kelgender tarqap, úı ıeleri ońasha qalǵan kezde jaqyndar kelin qolynan shaı ishýge jınalady.

Kelgenderge kelin qolynan ázirlengen dastarqan jaıylyp, kelin shaı quıady.

Bul dástúrdiń eki maǵynasy bar. Birinshiden, kelinniń úı sharýasyna, dastarqan berekesine yńǵaıyn baıqaý. Jas kelin mundaıda keseni syldyrlatpaı, bappen shaı quıa otyryp, ózin tanytady, sheberligin, yńǵaıyn baıqatady. Ekinshiden, kelin qolynan ene shalqyp, ata shalqaıyp otyryp qyzyl kúreń shaı ishý - bir úlken jetistik, qýanysh. "Bizdiń bala erjetip, kelin túsirdi, ata-ene atandyq, qolymyz uzardy", - dep maqtanady, ózgeler aldynda bedel, mártebege ıe bolady.

Kelin bolyp túsip, ata-ene aldynda shaı quıyp otyrǵan jalǵyz qyzyn kórip, bir qudaǵı:
Shaı quıyp qyzym syzyldy-aı,
Kóńilim qatty buzyldy-aı,
Qudaǵı otyr qaıqıyp,
Qudam otyr shalqıyp, - 
dep kózine jas alǵan eken.

Sóıtip, kelin túsirý toıynyń aıaǵy onyń qolynan shaı ishýmen aıaqtalyp, jas adam osy úıdiń óz adamynyń biri qatarynda ómirge aralasyp ketedi.

---