InfoHub Logo

Salaýatty, saýlyqty ómir súrý saltynyń sımvoly retinde belgili kepken jemister de aýrýlarǵa tosqaýyl bolyp tabylady. Ásirese dárýmenderdiń tapshy bolatyn qys aılarynda bul azyq túrleriniń orny erekshe. Densaýlyqqa paıdaly jumsaq etiniń qunarlyǵy keptirilgen jemisterde kóbirek ekendigin málimdegen mamandar bul azyq túrleriniń mindetti túrde kúndelikti as mázirine qosylýy kerektigin málimdeýde. Qaterli isikten bastap, qan qysymy, qan azdyǵy, kóz aýrýlaryna deıin jaqsy áser etetin qurǵaq jemisterdiń qysqasha paıdalary:

Kepken órik (kýraga): As qorytý júıesine paıdaly. Strestiń jáne qan azdyǵynyń aldyn alady. Quramyndaǵy A dárýmeni teridegi aqaýlardyń emine oń áserin beredi. Kúnine 5 dana kepken órik jeý quramyndaǵy kalıı arqyly júrek bulshyq etteri men nervteriniń jetilýinde mańyzy zor.

Kepken júzim: Energıa kózi. Qaqyryq túsirgish qasıetine baılanysty tynys joldary aýrýlaryna qarsy paıdaly. Kúnine 10 danasyn jeý arqyly qan qysymynyń tómendeýine áseri bar. Sýyqtaýǵa qarsy da ımýnıtetti kúsheıtedi.

Kepken alma: Tynys tarylýy, astma, júrek mazasyzdyǵyna qarsy jaqsy áser etedi. Quramyndaǵy talshyqty ereksheligimen ishekterdi tazalaıdy. Kózdi sharshatatyn iskerlerge kúnine bir ýys kepken alma jeý paıdaly. 

Kepken qurma: Antıoksıdant qasıetimen ımýnıtet júıesin kúsheıtedi, qaterli isikke qarsy qorǵan retinde áserli. Teri ásemdigi men saýlyǵy turǵysynan paıdaly. Asqorytý qıyndyǵy barlarǵa jaqsy áser etedi. V1, V2 dárýmenderi arqyly júıke júıesine qorǵan. Mı fýnksıalaryn retteıdi.

Kepken qara órik: Mol mólsherde V1, V2, V3, V6, A, S jáne E dárýmenderin qamtıdy. Qaterli isikke jáne qartaıýǵa qarsy qorǵaýshy áseri bar. Quramyndaǵy kalıı jáne magnıı arqyly baýyr, júrek, búırek jáne revmatızm aýrýlaryna qarsy paıdaly.   

Kepken injir: Talshyq mólsheri óte joǵary bolǵandyqtan salmaq tastaýda paıdaly. Amınqyshqyldar turǵysynan qanyq. Osy arqyly jasýsha qalyptasýynda, deneniń jańalanýynda belsendi róli bar. 

---