InfoHub Logo

Janjaldardyń kópshiligi bolmashy sebepten týyndaıdy. Bolmashy nársege syn aıtý, kemshilik izdeý, al ekinshi tarap bul aıtylǵandarǵa artyǵymen jaýap qaıtarý, sońy ashýlanýǵa, janjalǵa ulasady. 

Janjaldarda eki tarap ta meniki durys dep turady. Ondaı úıde janjal bite me?! Kóbinese janjaldarda kiná eki jaqtan da bolady. Bireýi úndemeı qoıa salsa, keshirim surasa janjal ulǵaımaıdy. Eki tarap ta menińki durys dep taban tiregen saıyn janjal bitpeıdi.  

Ertede ózara syılastyǵymen tatýlyǵymen tanymal bolǵan otbasy bolypty.  Ol úıde urys-keris bolǵanyn eshkim kórgen emes jáne rasynda da bul otbasyda janjal bolmaǵan eken. Qartaıǵan shaǵynda kempiri aýyryp tósek tartyp jatyp qalady. Qaıtatyn kúniniń jaqyndaǵanyn sezgen kempir shalyna qarap «Bilesiz, osy kúnge deıin men sizden eshnárse jasyrǵan emespin, tek bir ǵana qupıa ustaǵan dúnıem bar edi», dep bir qutyny beredi. Qutyda eki dana toqylǵan shulyq jáne óte kóp mólsherde aqsha bar edi. «Men kelin bolyp túskende ájem kúıeýińe ashýlanǵan kezińde jaýap qaıtarma, ustamdy, sabyrly bol, ashýyńdy basý úshin urshyq ıir, shulyq toqy dep ósıet aıtqan bolatyn. Myna quty osy ósıettiń nátıjesi bolyp kelgen syr edi» deıdi. Shal: «Qutyda eki shulyq bolǵanyna qaraǵanda sen maǵan ómir boıy eki-aq ret ashýlandyń ba?» dep suraıdy. Kempiri «Myna aqshalar satylǵan shulyqtardan túsken tabys» degen eken. Muny estigen jubaıy kóz jasyna erik beripti.   

---