InfoHub Logo

Sabaqtyń taqyryby: Kerqula atty Kendebaı ertegisin oqytý
Jalpy maqsaty: Erteginiń mazmunyn meńgerte otyryp, onyń negizindegi ıdeıany túsindirý. Oqýshylardyń oı qorytý. pikir aıtý, óz betterimen ertegini taldaý, syn turǵysynan oılaý daǵdylaryn jetildirý.
Tabys krıterııleri: 1. Erteginiń mazmunyn bilý, baıandaý
• mazmunyn tolyq biledi, kez kelgen epızodty júıeli mazmundaıdy. Sóz qory jetkilikti, tili shuraıly(3 upaı)
• mazmunyn biledi, biraq epızodtar tolyq emes, muǵalimniń, synyptastarynyń kómegi qajet.(2 upaı) Baıandaýynda sóz jutańdyǵy baıqalady.
• mazmunyn ústirt qana biledi. Oqıǵalardyń basyn bilgenimen sońyn umytqan. Baıandaýy túsiniksiz.(1 upaı)
2. Ertegige jospar qurý
• epızodtardy naqty ári júıeli tizbektegen(3 upaı)
• jospar bar, biraq shubalyńqy, artyq jazbalary bar (2 upaı)
• jospar bar, biraq epızodtar retsiz, aıaqtalmaǵan (1 upaı)
3. Erteginiń ıdeıasyn túsiný
• negizgi oıdy birden aıqyn, jyldam túsinip, erkin jetkize aldy.(3 upaı)
• oıyna senimsizdeý, muǵalimniń, synyptastarynyń qoldaýy qajet (2 upaı)
• erteginiń ıdeıasyn múlde túsinbegen.
• (0 upaı)
8 - 9 upaı - "5"
6 - 7 upaı - "4"
4 - 5 upaı - "3"
0 - 3 upaı - "2"

Kútiletin nátıje: Ertegini oqı otyryp kórkem shyǵarmalardy oqýǵa yntasy artady. Erteginiń ıdeıasy arqyly izgi qasıetterdi úırenedi. Toptyq jumysqa daǵdylanady.
Kerekti jabdyqtar
Oqýlyq, vatman, jelim, markerler.

Kirispe

1. Uıymdastyrý
2. Sergitý sáti
Ornymyzdan turaıyq,
Alaqandy uraıyq.
Joǵary, tómen qaraıyq,
Ońdy, soldy baqylap,
Bir otyryp, bir turyp,
Ornymyzdy tabaıyq.

3. Ertegi keıipkerleriniń sýretterimen topqa bóledi, top basshylaryn taǵaıyndaıdy.

4. Toptarǵa baǵalaý paraǵyn taratady.
5. Úı tapsyrmasyn tekseredi

Negizgi bólim
30 mın.

- Sonymen, balalar, biz erteginiń mazmunyn bilemiz. Al, endi qazir ár top Kendebaı men Kerqula atqa qatysty oılaryńdy "3 sóılem" ádisimen jazyp shyǵyńdar
1. pikir 2. dálel 3. qorytyndy Sonda, alty sóılem ǵana jazý kerek.

2 - tapsyrma:"Mıkrofon"
bul ertegi ertegilerdiń qaı túrine jatady? Nege?
- ertegi arqyly halyq neni aıtqysy keldi?
- saǵan Kendebaıdyń minezderi, is - áreketteri unaıdy?
- qalaı oılaısyń Kerqula at bolmasa Kendebaı Mergen batyrdy qutqara alar ma edi?
- Halyq nege Kerqula atqa til bitirip qoıǵan?
- ertegidegi handardyń qaısysy ádiletsiz dep oılaısyń?
- jetim balanyń ertegidegi orny qandaı? Ol Kendebaıdyń qaı qyryn ashýǵa qajet boldy dep oılaısyń?

3 - tapsyrma"Birge oılaımyz"
- Qazir senderge Kerqula atyna minip Kendebaı batyr keledi. Olar jetkenshe sender ózara aqyldasyp, batyrdy qalaı qarsy alý kerektigin oılastyryńdar. Sondaı - aq, Kerqula men Kendebaıdan úsh tilek tileýlerińe bolady. Sol arman - tilekterińdi jazyp qoıyńdar.

Kerqula atty Kendebaı ertegisin oqytý. júkteý