InfoHub Logo

Threads jelisindegi belsendilerdiń biri Keshú tobynyń burynǵy múshesi Aıda Smaǵulovany otbasyly er adammen kóńil qosqan dep aıyptap, jazba jarıalady. Bul jazba jeli qoldanýshylary arasynda qyzý talqyǵa tústi.

Jazba avtorynyń aıtýynsha, kúıeýiniń opasyzdyǵyn bilgennen keıin, onyń kóńildesi osy Aıda Smaǵulova ekeni anyqtalǵan.

«6 maýsym kúni meniń ómirim «deıin» jáne «keıin» bolyp ekige bólindi. Kúıeýimniń kózime shóp salǵanyn bildim. Keıin belgili bolǵandaı, ol qyz – Keshú tobynyń burynǵy múshesi Aıda Smaǵulova eken. Prodúserler qarańyzdarshy, kimdi tárbıelep, qoldap júrsizder. Áleýmettik jaýapkershiligi tómen áıel. Ol er adamnyń otbasy baryn, 3 jáne 5 jastaǵy eki balasy baryn bile tura, onymen romantıkalyq qarym-qatynas bastap, tósegin bólisti», – dep jazdy jazba ıesi.

Avtor kúıeýin de kinálaıtynyn, alaıda otbasynyń buzylýyna úshinshi tulǵanyń da jaýapkershiligi bar ekenin atap ótti.

«Esh kúmánsiz, eń aldymen kináli – meniń kúıeýim. Ol óz áreketi úshin mindetti túrde jaýap beredi. Biraq osyndaı áıelder bar kezde qoǵamymyz ishten irıdi. Onyń bárine daıyn bolǵanynyń kesirinen meniń eki balam tolyq emes otbasynda ósedi. Bul tek oǵan ǵana emes, ózgeniń shańyraǵyn shaıqaltatyn barlyq áıelderge qatysty. Olar da eresek adamdar jáne óz is-áreketteri úshin jaýap berýi tıis. Jaǵdaıǵa ekinshi taraptyń kózimen de qarap kórińizder», – dedi ol.

Ázirge Aıda Smaǵulova atalǵan aıyptaýlarǵa qatysty resmı pikir bildirgen joq.