InfoHub Logo

Japondar aıtatyn «alty qyrsyq» degen bar eken. Olar: aqylsyzdyq, yzaqorlyq, jeńiltektik, nápsiqumarlyq, solqyldaqtyq jáne dúnıeqońyzdyq. Osylardyń árqaısysynyń on segiz kórinisi bar. Sonda jıyny 108 túrli bolady dep esepteıdi eken de, solardyń bárin tizbektep, jazyp, áıgilep qoıatyn kórinedi. Osylardy kúnde qulaqpen estip, kózben kórip júrgen kisi teris jolǵa bara ma?

Mine, halyqtyq tárbıeniń kórnekti túri qandaı áserli! Búginde Japon eliniń óner-bilimmen dúnıe júzindegi órkenıetti eldiń qatarynda alǵa shyǵýyna, damýyna osy tárbıeniń áseri bolmady dep qalaı aıtarsyz! Dúnıe júzi elderiniń kóbinde otbasylardyń ajyrasýy jyl saıyn ósip otyrsa, japondarda jubaılardyń ajyrasýy múlde joqtyń qasy eken. Japon áıelderi eshqashan adamnyń betine túsin sýytyp qaramaıdy, sóıleskende áýeli túsin jylytyp, kúlip qana sóıleıdi. Mine, osydan keıin adamdar arasynda urys-janjal qaıdan bolsyn. Urlyq isteý, ótirik aıtý degen sıaqty ádetter olarda múlde joq bolsa kerek. Osyndaıda «Úlkenge — qurmet, kishige — izet» kórsetetin halqymyzdyń úlkenniń aldyn kesip ótpeıtin kishipeıildigi, jesiri men jetimin syrtqa teppeıtin baýyrmaldyǵy, esigine qulyp salmaıtyn adaldyǵy qaıda ketken dep qaıran qalasyń... Bári — sol ult, ıaǵnı ata-baba dástúrinde tárbıeleýde jatyr emes pe!?

---