InfoHub Logo

Janqutty sheshen bir kúni qypshaq dýanbasy Ybyraıdyń úıine keledi. Ybyraı ımenetin, nemese erekshe syılaıtyn kisi bolmasa, kez kelgen adamdy ózi otyratyn úıine kirgizbeı, qonaq úıine túsirtedi eken. Dýanbasynyń qyzmetshi jigitteriniń «qonaq úıge júrińiz» degenine kónbeı, Janqutty Ybyraıdyń óz úıine kiredi. Ybyraı úıinde Shormannyń Musasymen sóılesip, qısaıyp jatyr eken, qonaqqa qolyn bermeı, asa taıaǵynyń ushyn usynady. Janqutty taıaqty ustamaı, Musamen sálemdesip, tórge shyǵyp otyrady.

Dýanbasy álden ýaqytta jastyqtan basyn kóterip:

— Musajan, myna basyna bóstek kıgen shalyń kim? — deıdi.

— Musajan, basymyzǵa eltiri bórik kısek, bóstek deıdi. El basqarsyn dep pysyq jigitten ulyq qoısaq, estek deıdi. «Halyqtyń aýzyna qaqpaq qoıyp bolmaıdy» degen osy da, — deıdi Janqutty Musanyń ornyna ózi jaýap berip.

— Ybeke, siz sózden utyldyńyz, sheshenge at-shapan aıyp tóleńiz. Bul — Sarym rýynyń Janqutty degen shesheni, — deıdi Musa.

Ybyraı eshteńe deı almaıdy. Sheshenniń tapqyr sózine qatty tosylyp, únsiz qalady.

---