InfoHub Logo

Kókshetaýda avtoturaqtan shyǵyp bara jatqan kóliktiń astynda qalǵan 52 jastaǵy áıel qaıtys boldy. Bul týraly Aqmola oblystyq polısıa departamenti habarlady.

Bul týraly Infohub.kz aqparat agenttigi habarlaıdy.

Júrgizýshi men kólik ıesine qylmystyq is qozǵaldy

Polısıanyń málimetinshe, kólikti basqarǵan áıelge qatysty adam ólimine ákep soqtyrǵan jol erejesin buzý jáne kólik quraldaryn paıdalaný faktisi boıynsha sotqa deıingi tergeý amaldary júrgizilýde.

Tergeý barysynda áıeldiń kólik júrgizý quqyǵy joq ekeni jáne tıisti daıyndyqtan ótpegeni anyqtaldy.

Sondaı-aq, kóliktiń ıesi, ıaǵnı áıeldiń jubaıy da jaýapqa tartylýda. Oǵan ruqsaty joq adamǵa kólik bergeni úshin qylmystyq is qozǵaldy. Mundaı quqyq buzýshylyq úshin bas bostandyǵynan aıyrý jazasy da qarastyrylǵan.

Tergeý jalǵasýda

Qazirgi ýaqytta jol-kólik oqıǵasyn obektıvti tergeýge baǵyttalǵan qajetti tergeý áreketteri júrgizilip jatyr.

11 mamyrda Kókshetaý qalasynyń mamandandyrylǵan tergeý soty kúdikti áıelge qatysty «úı qamaǵy» túrindegi bultartpaý sharasyn sanksıalady.

Aqmola oblystyq polısıa departamenti basshylyǵy bul qylmystyq istiń tergeý barysyn baqylaýda ustap otyrǵanyn atap ótti.

Eske salaıyq, buǵan deıin Kókshetaýda turǵyn úı kesheniniń avtoturaǵyna kire bergende kólik áıeldi qaǵyp óltirgen bolatyn. Oqıǵanyń vıdeosy áleýmettik jelide tarady.