f.azh.kz
Qazaqstan men Reseı shekarasynda jańa ótkizý beketi ashylady
Qazaqstan men Reseı arasyndaǵy shekarada, Aqtóbe oblysy men Reseıdiń Orynbor oblysy arasyndaǵy «Álimbet» baqylaý-ótkizý pýnktinde aýqymdy jańǵyrtý jumystary jalǵasýda. Qazirgi ýaqytta nysan shtattyq rejımde jumys istep tur, kólik qozǵalysy ýaqytsha ótkizý pýnkti arqyly uıymdastyrylǵan.
Bul týraly Infohub.kz aqparat agenttigi habarlaıdy.
Jańǵyrtý aıasynda ákimshilik ǵımarat, ınspeksıalyq-tekserý keshenderi, tereńdetilgen baqylaý angary jáne qyzmettik ıtterge arnalǵan arnaıy pıtomnık salynýda. Búgingi tańda jumystardyń negizgi bóligi oryndalyp, sý qubyrynyń qurylysy da aıaqtalýǵa jaqyn.
Merdigerlerdiń aıtýynsha, qajetti metal konstrýksıalary Aqtóbedegi zaýytta daıyndalyp, qurylys alańyna kezeń-kezeńimen jetkizilýde. Qazirgi ýaqytta nysanda qurylys-montaj jumystary belsendi júrgizilýde.
Jańǵyrtý jumystarynyń barysy
Oblystyq «QazAvtoJol» UK» AQ fılıaly dırektorynyń orynbasary Qurmanǵazy Ismaılovtyń habarlaýynsha, pýnkt aýmaǵyndaǵy eski ǵımarattar tolyqtaı buzylǵan. Jańǵyrtý bastalǵannan beri 151 myń sharshy metr aýmaqta jer jumystary atqarylǵan.
Jobany jyl sońyna deıin aıaqtaý josparlanýda. Jańartylǵan ótkizý pýnkti iske qosylǵannan keıin shekaradaǵy ótkizý qabiletin arttyryp, baqylaý tıimdiligin joǵarylatýǵa múmkindik beredi dep kútilýde.
-
Memleket basshysy Qasym-Jomart Toqaev Brazılıa Syrtqy ister mınıstrimen kezdesýde Irannyń ıadrolyq máselesin sheshýge atsalysýǵa daıyn ekenin málimdedi.
-
Kazahstanskıe sportsmeny pokazalı otlıchnye rezýltaty na molodejnom chempıonate Azıı po boksý, zavoevav 8 pýtevok v fınal.
