InfoHub Logo

Taqyryby: Kóktemgi ormanǵa saıahat

Sabaqtyń maqsaty: Balalardy kóktemgi tabıǵat ereksheligin sezinýge úıretý, kóktem
mezgilin basqa mezgilderden aıyra bilýge tárbıeleý. Balalardy tabıǵatty aıalaı bilýge, ormanǵa
barǵanda erejelerdi saqtaýǵa daǵdylandyrý. Taqpaq aıtyp sózdik qoryn baıytý.
Balalardyń belsendiligin arttyryp, tabıǵatqa qamqor bolýǵa baýlý.
Sabaqtyń kórnekiligi: slaıd, sıqyrly joldar, gúlder, topyraq salynǵan qumyra,
tuqym.

Sabaqtyń barysy:
Tárbıeshi:- Qane balalar, biz bir - birimizdiń qolymyzdan ustap shattyq sheńberine turaıyq.
Kúnniń nuryn súıemiz,
Án salamyz kúnde biz,
Baldaı tátti dostarmyz
Árqashan biz birgemiz.

Tárbıeshi: Balalar sender ormanda júrý erejesin bilesińder me?
Balalar:- Ormanda shýlamaý kerek.
- Bir - birinen qalmaı júrý kerek.
- Aıqaılap óleń aıtpaý kerek, sebebi qustar, ańdar shoshyp ketedi.
- Butaqtardy syndyrmaý kerek.
- Ormanǵa qoqys tastaýǵa bolmaıdy.
Tárbıeshi:- Jaraısyńdar, balalar sender ormanda júrý erejesin biledi ekensińder. Olaı bolsa myna sıqyrly joldarmen ormanǵa saıahatqa baraıyq.
- Myna joldyń túsi qandaı balalar?
Balalar:
- Myna jol qyzyl tústi.
- Bul tús qaı jyl mezgilin bildiredi?
- Bul tús jaz mezgilin bildiredi.
- Bul jol uzyn ba, qysqa ma?
- Bul jol uzyn.
Tárbıeshi:
- Balalar maǵan kúz mezgiliniń túsin bildiretin joldy taýyp berińdershi?
Balalar:
- Kúz mezgiliniń joly sary.
Tárbıeshi:
- Nege kúz mezgiliniń joly sary tústi?
Balalar:
- Sebebi kúz mezgilinde aǵashtardyń japyraqtary sary tústi.
Tárbıeshi:
- Myna jol qaı tústi?
Balalar:
- Bul aq tústi. Bul qys mezgilin bildiredi.
Tárbıeshi:
- Bul jol keń be, álde tar ma?
Balalar:
- Bul jol keń eken.
Tárbıeshi:
- Al, sońǵy joldyń túsi qandaı jáne nege uqsaıdy?
Balalar:
- Jasyl tústi. Shópterdiń túsi sıaqty.
Tárbıeshi:
- Balalar kóktem mezgilinde qandaı erekshelikter bolady?
Balalar:
- Jer beti jasyl shópke tolady, qustar ushyp keledi. Adamdar jeńil, juqa kıinedi.
Aǵashtarǵa búrshikter shyǵady. Alǵashqy gúlder báısheshek, qyzǵaldaq, sarǵaldaq
shyǵady.(Balalar kóktem mezgili jaıly taqpaqtaryn aıtady.)

Tárbıeshi:
- Balalar mine biz ormanǵa keldik. Ormandaǵy qoqystardy, qumyrany jınap tazalaıyq.
Endi otyryp dem alaıyq, qustardyń daýysyn tyńdaıyq.(Qustardyń daýystary. )
Sergitý sátin jasaıyq.
Balalar:
Júr kójegim top - top bas
Mine bylaı top - top bas
Sur qasqyrym qolyń soq
Mine bylaı qolyń soq.
Júr aıýym bıleı ǵoı
Mine bylaı bıleı ǵoı.
Ormandaǵy aıýdyń
Qulpynaıy kóp eken
Terip - terip alaıyq
Qaltamyzǵa salaıyq.
Tárbıeshi:
Balalar aıý neni jegendi jaqsy kóredi?
Balalar: Baldy.
Tárbıeshi: Qımyldy oıyn «Aıýlar men aralar»dep atalatyn oıyn oınaımyz.
Biz kóktemde ósetin gúlderdi bilemiz.(Slaıdtan kóktemde ósetin gúlderi kórsetý.)
Búgin sabaqta biz de óz qolymyzben qumyraǵa gúl sebemiz.
(Topyraq salynǵan daıyn qumyralar, gúl tuqymdary, sý quıǵysh.) Balalarǵa qumyraǵa gúl tuqymyn egip kórsetý, sý quıý. Balalardyń jumysy.
Tárbıeshi: Al, balalar endi ornymyzǵa otyraıyq. Balalar senderge sabaq unady ma?
Saıahat nesimen unady?
Balalar:
- Sıqyrly joldarmen júrdik.
- Oıyn oınadyq.
- Gúl tuqymyn ektik.
Tárbıeshi:
Balalar, sender sabaqty jaqsy meńgeripsińder. Osymen sabaǵymyzdy aıaqtap án - kúı sabaǵynda
jattaǵan « Jas dáýirdiń túlegimiz» ánin aıtyp, qonaqtarmen qoshtasaıyq.
Balalar: Qosh saý bolyńyzdar.