InfoHub Logo

Qazaqstandyqtar 2025 jylǵa arnalǵan kólik salyǵyn 1 sáýirge deıin tóleýi kerek. Bul merzimdi elemegenderge qandaı jaýapkershilik qarastyrylǵany jáne salyqty qalaı esepteý kerektigi týraly tolyq málimetti Tengri Auto usynady.

Bul týraly Infohub.kz aqparat agenttigi habarlaıdy.

Kólik salyǵyn kimder tóleıdi jáne qashan?

Jeke tulǵalar kólik salyǵyn 2026 jyldyń 1 sáýirinen keshiktirmeı tóleýi tıis. Bul salyq árbir kólikke jeke esepteledi jáne onyń mólsheri avtomobıldiń qozǵaltqysh kólemine baılanysty bolady.

Salyqty qalaı esepteıdi?

2026 jyly 2025 jylǵa arnalǵan salyqty esepteý kezinde 2025 jylǵy aılyq eseptik kórsetkish (AEK) qoldanylady. Bul kórsetkish 3 692 teńge boldy (al qazirgi ýaqytta 4 325 teńge). Ádette, qozǵaltqyshy úlken kólikterdiń ıeleri kóbirek salyq tóleıdi.

Salyqtyń naqty somasyn bilý úshin Memlekettik kirister komıtetiniń saıtyndaǵy arnaıy kálkýlátordy paıdalanýǵa bolady. Onda kólik ıelengen merzim, kóliktiń túri jáne qozǵaltqysh kólemi sıaqty málimetterdi engizý qajet.

2026 jyldan bastap engiziletin ózgerister

Jańa Salyq kodeksine sáıkes, 2026 jyldyń 1 qańtarynan bastap kólik salyǵyna qatysty keıbir ózgerister engizildi. Mysaly, 10-20 jyl paıdalanylǵan jeńil avtomobılderge 0,7, al 20 jyldan asqan kólikterge 0,5 koefısıenti qoldanylady. Bul somalar 2027 jyly esepteletin bolady.

Sondaı-aq, Qazaqstanda 2013 jyldyń 31 jeltoqsanynan keıin shyǵarylǵan nemese ákelingen 3000 tekshe santımetrden astam kólemdi qozǵaltqyshy bar jeńil avtomobılderge arnalǵan stavkalar alynyp tastaldy.

Sharýa qojalyqtaryna pıkaptarǵa jeńildikter qarastyrylǵan. Ár sharýashylyqqa bir pıkapqa salyqtan bosatylady.

Kólik sanaty endi tirkeý kýáligindegi málimetter boıynsha anyqtalady. Budan bólek, salyq eseptiligin jeńildetý maqsatynda kólik salyǵy boıynsha aǵymdaǵy tólemderdi esepteý mindeti alynyp tastaldy.