InfoHub Logo

Qazaqstanda eski úlgidegi 10 000 teńgelik banknottardyń aınalym merzimi taǵy bir jylǵa uzartylýy múmkin. Bul týraly Ulttyq bank tóraǵasy Tımýr Súleımenov jýrnalıserdiń suraqtaryna jaýap bergende aıtty.

Onyń aıtýynsha, bul sheshim ekinshi deńgeıli bankterdiń ótinishi boıynsha qarastyrylyp jatyr.

«Iá, biz merzimin taǵy bir jylǵa uzartýdy josparlap otyrmyz. Olarǵa suranys joǵary, jáne Qarjygerler qaýymdastyǵy – ıaǵnı ekinshi deńgeıli bankter – bizge taǵy bir jylǵa merzimin uzartýdy surap júgindi. Bul qalypty jaǵdaı», - dedi Súleımenov.

Buǵan deıin eski 10 000 teńgelikterdiń aınalym merzimi 2026 jyldyń maýsym aıynda aıaqtalady dep josparlanǵan bolatyn. Endi ony 2027 jyldyń maýsymyna deıin uzartý kózdelýde.

Paraleldi aınalym aıaqtalǵannan keıin ne bolady?

Belgilengen merzimder aıaqtalǵannan keıin de ekinshi deńgeıli bankter men «Qazposhta» AQ eski úlgidegi banknottardy jańalaryna úsh jyl boıy aıyrbastap otyrady. Ulttyq banktiń fılıaldary mundaı aıyrbasty merzimsiz júzege asyrady.

Paraleldi aınalym kezinde eski jáne jańa úlgidegi banknottardyń Qazaqstan aýmaǵyndaǵy barlyq túrdegi tólemder, aýdarymdar jáne bank shottaryna esepke jatqyzý úshin zańdy tólem quraly bolyp tabylatyny jáne mindetti túrde qabyldanatyny atap ótildi.

Eske sala keteıik, 2025 jyldyń 25 jeltoqsanynda Ulttyq bank jańa dızaındaǵy 500 teńgelik banknottyń aınalymǵa shyǵarylǵany týraly habarlaǵan bolatyn. Alaıda, bul banknottar 2026 jyldyń ekinshi toqsanynda jappaı aınalymǵa engiziledi, sebebi olardy eldiń barlyq óńirlerine jetkizý jáne jabdyqtardy (bankomattar, termınaldar jáne basqa kasa tehnıkalary) beıimdeý úshin qosymsha ýaqyt qajet.