InfoHub Logo

Páni: Adam. Qoǵam. Quqyq
Synyby 9

Taqyryby: Konstıtýsıalyq keńes
Maqsaty:
Bilimdilik: «Qazaqstan Respýblıkasynyń Konstıtýsıalyq Keńesi týraly» 1995 jylǵy 29 jeltoqsandaǵy № 2737 Qazaqstan Respýblıkasynyń Konstıtýsıalyq zańy tolyq tanysý
Tárbıelik: Oqýshylardy «Konstıtýsıalyq keńes» zańymen tanystyrý jáne óz eliniń zańdaryn qurmetteýge, qorǵaýǵa shaqyrý
Damytýshylyq:. Oqýshylardyń tanym qabiletterin damytý, sóıleý sheberligin damytý, taldaý, oılaý qabiletterin damytý.
Túri: aralas sabaq
Ádis - tásilder: Aralas(ınteraktıvti taqta, tapsyrmalardy taldaý)

Sabaq barysy:
1. Uıymdastyrý kezeń
a) sálemdesý
b) sabaqqa daıyndyǵyn tekserý
v) oqýshylar nazaryn sabaqqa aýdarý

İİ. Úı tapsyrmasy: Sot bıligi
1. Sot bıligi memlekettik bıliktiń qandaı tarmaǵy bolyp tabylady?
2. Sot kimder bola alady?
Z. Sot júıesin ata?
4. Sýdıa zańdy qoldanǵanda qandaı prınsıpterdi basshylyqqa alýǵa tıis?
5. Sot kimniń atynan qyzmetin júzege asyrady?

Tapsyrmalar:
1 - tapsyrma
Azamat A. Aıdarov azamatsha M. Mahmýdova ekeýiniń arasyndaǵy nekesiniń buzylǵandyǵyn, otbasynda ózara túsiniktiń joqtyǵyn kórsete otyryp, nekeni buzý týraly sot organdaryna shaǵymdanady. Mahmýdova osy merzim aralyǵynda ul týǵan, ol 4 aı merzim ótken soń shetinegen. Sýdıa Mahmýdovanyń nekeni buzýǵa kelisimi joq ekenin syltaýratyp talap - aryzdy qabyldaýdan bas tartady. Osyǵan qosymsha oǵan 10 aı merzim ótken soń ǵana sotqa qaıta shaǵymdanýyn usynady. Sýdıanyń áreketinde zańsyzdyq belgileri bar ma? Jaýaptaryńdy zańnyń tıisti baptaryna súıene otyryp dáleldeńder.

2 - tapsyrma
A. Sadyrova Almaty aýdandyq sotyna S. Aldekovpen arasyndaǵy nekeni buzý týraly talap qoıady. S. Aldekov qylmys jasaǵany úshin 4 jyl bas bostandyǵynan aıyrylǵan. Sot Aldekovtyń Sadyrovaǵa múliktik talaptary bolýy múmkindigin eskerte otyryp, nekeni buzýdan bas tartady. Eger saǵan osy isti qaraý múmkindigi berilgende, sen qandaı sheshim qabyldar ediń? Zańnyń baptaryna súıenip, jaýaptaryńdy negizdep dápterge jazyńdar?

3 - tapsyrma
Azamatsha A. Janarova azamat Q. Týrdıev ekeýiniń arasyndaǵy nekeni buzý jóninde sotqa talap qoıady. Osyǵan oraı qosymsha óziniń 4 aılyq balasynyń bar ekenin, jumys isteý múmkindigi joqtyǵyn eskerte otyryp alıment tóleý jónindegi talabyn qanaǵattandyrýdy ótingen.
Sot áıel adamnyń júktiligi nemese 1 jasqa deıingi bala tárbıelep otyrǵan kezinde nekeni buzý týraly is qozǵaı alady ma? Bul isti qalaı durys sheshýge bolady?
4 - tapsyrma
Shaımahanovtyń kólikti qatty jyldamdyqta aıdap kele jatyr edi, aldynan MAI - qyzmetkeri shyǵyp, ony toqtatty. Oǵan óz quqyqtaryn túsindirip, júrgizýshiniń kólik júrgizetin qujatyn alyp qoıdy? MAI - qyzmetkeriniń is - qımyly durys pa, ol júrgizýshiniń qujatyn ne isteıdi?

İİİ. Jańa taqyrypty qarastyrý:
Konstıtýsıalyq keńes
1 - bap. Konstıtýsıalyq Keńestiń mártebesi
Konstıtýsıalyq Keńes memlekettik organ retinde Respýblıkanyń búkil aýmaǵynda Qazaqstan Respýblıkasy Konstıtýsıasynyń joǵary turýyn qamtamasyz etedi:
1) óz ókilettigin júzege asyrý kezinde derbes jáne memlekettik organdarǵa, uıymdarǵa, laýazymdy adamdar men azamattarǵa táýelsiz, Respýblıka Konstıtýsıasyna ǵana baǵynady ári saıası jáne ózge sebepterdi negizge ala almaıdy;
2) Respýblıka Konstıtýsıasy men osy Konstıtýsıalyq zańdy basshylyqqa ala otyryp, sottardyń nemese basqa memlekettik organdardyń quzyretine jatatyn barlyq jaǵdaılarda ózge máselelerdi anyqtaý men zertteýge barmaı - aq óz ókilettigin júzege asyrady.
2 - bap. Konstıtýsıalyq Keńestiń quramy
Konstıtýsıalyq Keńes jeti músheden, sonyń ishinde Konstıtýsıalyq Keńestiń Tóraǵasynan turady. Buǵan qosa Respýblıkanyń eks - Prezıdentteri quqyǵy boıynsha ǵumyr boıy Konstıtýsıalyq Keńestiń músheleri bolyp tabylady.

3 - bap. Konstıtýsıalyq Keńesti qurý tártibi
1. Konstıtýsıalyq Keńestiń Tóraǵasyn Respýblıkanyń Prezıdenti qyzmetke taǵaıyndaıdy jáne qyzmetten bosatady.
2. Konstıtýsıalyq Keńestiń eki múshesin Respýblıka Prezıdenti qyzmetke taǵaıyndaıdy, Konstıtýsıalyq Keńeske eki - eki músheden Parlament Palatalary tóraǵalarynyń usynýy boıynsha tıisinshe Parlament Senaty men Májilisi taǵaıyndaıdy. Konstıtýsıalyq Keńes músheleriniń jartysy árbir úsh jyl saıyn janartylyp otyrady

4 - bap. Konstıtýsıalyq Keńes músheligine kandıdattarǵa qoıylatyn talaptar
1. Konstıtýsıalyq Keńestiń quramyna otyz jasqa tolǵan, Respýblıka aýmaǵynda turatyn, joǵary zań bilimi, zań mamandyǵy boıynsha keminde bes jyl jumys stajy bar Respýblıka azamaty taǵaıyndala alady.

5 - bap. Konstıtýsıalyq Keńes músheleriniń ókilettik merzimi
1. Konstıtýsıalyq Keńes Tóraǵasy men músheleriniń ókilettigi alty jylǵa sozylady.
2. Shyǵyp qalǵan nemese qyzmette bolý merzimi aıaqtalǵan jaǵdaıda Konstıtýsıalyq Keńestiń Tóraǵasy men músheleri Konstıtýsıada jáne osy Konstıtýsıalyq zańda belgilengen tártippen taǵaıyndalady.

10 - bap. Konstıtýsıalyq Keńestiń Tóraǵasy men músheleri memlekettiń laýazymdy adamdary retinde
1. Konstıtýsıalyq Keńestiń Tóraǵasy men músheleri memlekettiń laýazymdy adamdary bolyp tabylady, olardyń mártebesi Konstıtýsıamen jáne osy Konstıtýsıalyq zańmen, sondaı - aq Konstıtýsıa men osy Konstıtýsıalyq zańda rettelmegen bóliginde memlekettik qyzmet týraly normatıvtik quqyqtyq aktilerimen belgilenedi.

11 - bap. Konstıtýsıalyq Keńes Tóraǵasy men músheleriniń táýelsizdigi
1. Konstıtýsıalyq Keńestiń Tóraǵasy men músheleri óz mindetterin oryndaý kezinde táýelsiz bolady jáne tek Konstıtýsıa men osy Konstıtýsıalyq zańǵa ǵana baǵynady. Basqa eshqandaı da aktiniń olar úshin sózsiz mindetti kúshi bolmaıdy. Olardyń qyzmetine qandaı bolsa da aralasýǵa, sondaı - aq olarǵa qandaı túrde bolsa da qysym jasaýǵa nemese basqadaı yqpal etýge jol berilmeıdi jáne bul zań boıynsha jaýapkershilikke ákelip soǵady.