InfoHub Logo

Almaty oblysynyń İle aýdanynyń burynǵy ákiminiń orynbasary Kýat Aqshabaevqa qatysty tergeý bastaldy. Bul týraly KNB rastady.

Bul týraly Infohub.kz aqparat agenttigi habarlaıdy.

Ne boldy?

Jelide Kýat Aqshabaevtyń KNB-nyń sybaılas jemqorlyqqa qarsy qyzmeti tarapynan ustalǵany týraly aqparat tarady. Sheneýnikke 28 mıllıon teńge para aldy degen kúdik taǵylǵany aıtyldy.

Keıinirek paranyń mólsheri 323 mıllıon teńgege jetýi múmkin degen málimetter shyqty.

KNB ne deıdi?

Ulttyq qaýipsizdik komıteti tergeýdiń bastalǵanyn rastady.

"Aldyn ala tergeý júrgizilýde. Qylmystyq-prosessýaldyq kodekstiń 201-babynyń 1-bóligine sáıkes, basqa aqparat jarıalanbaıdy", – delingen resmı jaýapta.

Alaıda, KNB Aqshabaevqa naqty qandaı aıyp taǵylǵanyn jáne tergeýdiń qaı bap boıynsha júrgizilip jatqanyn ashyp aıtpady.

Ákimdik ne deıdi?

İle aýdanynyń ákimdigi Kýat Aqshabaevtyń 16 qańtarda óz erkimen qyzmetinen ketkenin habarlady.

"Kýat Aqshabaev buryn ákimniń orynbasary qyzmetinen bosatylǵan jáne qazirgi ýaqytta bul qyzmetti atqarmaıdy", – dep málimdedi ákimdiktiń baspasóz qyzmeti.

Buǵan deıin Almaty oblysynda İle aýdanynyń burynǵy ákimi Baǵdat Qarasaevqa qatysty sot úkimi shyqqan bolatyn. Eks-ákim jáne basqa da tulǵalarǵa qatysty is jeti bap boıynsha qaraldy. Oǵan múlikti ıemdený jáne ysyrap etý, alaıaqtyq, ekologıalyq talaptardy buzý, qyzmettik ókilettikterdi asyra paıdalaný, zańsyz kásipkerlik qyzmetke qatysý jáne qyzmettik jalǵandyq aıyptary taǵylǵan.

Tolyǵyraq: Vıdeo zaderjanıa ı “mýsornyı skandal“: eks-akımý Karasaevý vyneslı prıgovor