InfoHub Logo

Qazaqstannyń Halyq ártisi, belgili ánshi Maqpal Júnisovaǵa belgisiz bireýler qorqytý hattaryn jiberip jatyr. Bul jaǵdaı qoǵamda úlken alańdaýshylyq týdyrdy.

Bul týraly Infohub.kz aqparat agenttigi habarlaıdy.

Qorqytý hattarynyń mazmuny

Ánshiniń aıtýynsha, belgisiz bireý onyń Astanada turatyn ápkesine hat joldaǵan. Hatta Maqpal Júnisovanyń úsh jyldan beri gaz aqysyn tólemeı júrgeni jazylǵan. Avtor ózin gaz qyzmetiniń ókili retinde tanystyryp, qaryz ótelmese, gaz óshiriletinin eskertken.

«Júnisova Maqpal hanymǵa aıtyńyz, úsh jyldan beri tólenbegen qaryzy bar. Qyzyna birneshe ret aıtyldy, ózi bizdi buǵattaǵan. Búgin tólemese, erteń gazdy óshiremiz. Sońǵy eskertý», – delingen hatta.

Ánshiniń jaýaby

Maqpal Júnisova bul aqparatty joqqa shyǵaryp, eshqashan qaryz bolmaǵanyn málimdedi.

«Bul qaı qazaq meni qorqytyp júrgen? Eshqashan qaryzǵa batpaǵan adammyn. Astanadaǵy ápkeme habarlasypty», – dedi Maqpal Júnisova.