InfoHub Logo

Bilim berý salasy: «Shyǵarmashylyq»
Bilim kózderi: Japsyrý
Taqyryby: «Kúzgi ónimdi jınaýǵa arnalǵan sebet»

Maqsaty: Balalardy óz qoldarymenen qaǵazdan ártúrli buıymdar jasaýǵa úıretý. Qaǵazdarmen jumys jasaý tehnıkasyn ıgertý. Sabaqqa degen qyzyǵýshylyqtaryn arttyrý. Dostyqqa tárbıeleý.
Kórnekilikter: Jyl mezgilderiniń sýretteri, jemis - jıdek sýretteri
Qural - jabdyqtar: Túrli tústi qaǵaz, jelim, qaıshy

Sabaq barysy:
Yntalandyrý, sezimdi oıatý
- Qane balalar bárimiz amandasyp alaıyq:
Alma baqqa baraıyq
Alma terip alaıyq.
Eń úlkenin, dámdisin
Anamyzǵa syılaıyq!
İzdenister uıymdastyrý:
Tosyn sát: Esik qaǵylady. İshke baǵban ataı keledi.
- Sálemetsińder me, balalar. Men baǵban ataımyn. Meniń sebetim synyp qaldy. Sender maǵan kómektesesińder me?(balalar qýana amandasady)
- Iá, árıne
Tárbıeshi: - Balalar qazir jyldyń qaı mezgili?
Balalar: Kúz mezgili
Tárbıeshi:- Aýa - raıy qandaı?
Balalar: Sýyq, jańbyrly
Tárbıeshi: - Balalar kúz aıynda astyq jınaımyz. Kókónis, jemis - jıdekter pisedi. Olardy jınap alamyz. Olar bizge kóp eńbekpen keledi. Egemiz, sýaramyz, baptap kútemiz. Piskennen keıin jınap alamyz. Balalar myna sýretterde qandaı jemister?
(balalardyń jaýaby)
Tárbıeshi:
Dámi qandaı?
Túsi qandaı?
Al pishini she?
Balalar analarymyz bazardan jemis satyp ákelgende ony qaıda salamyz?
Balalar: sebetke salamyz.
Tárbıeshi: Endeshe qaǵazdan sebetter jasaımyz jáne baǵban ataıǵa da kómekteseıik. Jaraı ma?
Balalar: Árıne!
Balalar jumysty qyzyǵýshylyqpen jasaıdy. Qaýipsizdik tehnıkasy eske túsiriledi. Aldymen tús tańdap alyp, sebettiń beınesin bastyrý tásili arqyly sebetti qıyp alyp, qaǵaz betine ornalasý birizdiligin saqtap, japsyrady.
- Sebetti jasap bolsaq, balalar, oıyn oınap alaıyq.

Oıyn: «Bóligin tap»
Tárbıeshi: Balalar men taqtaǵa bólingen jemisterdi ornalastyrdym. Osy bólingen jemisterdiń bólikterin taýyp qurastyrýlaryń kerek.

Sergitý sáti:
1 - degende turaıyq.
2, 3, 4 – degende alaqandy soǵaıyq,
Oń jaqqa burylyp,
Sol jaqqa burylyp
Biz shynyǵyp alaıyq.
Tárbıeshi: - Jaraısyńdar, otyryńdar.
Baǵban ataı da birge qaıtalaıdy.
Oıyn: «Jemister jınaý»( Baǵban ataı uıymdastyrady)
Qane, balalar jasaǵan sebetimizge jemisterdi salaıyq.
Qorytyndy. Balalardy madaqtaý. Qorytyndylaý. Jumystaryn baǵalaý.
Tárbıeshi:
Endi balalar, bárimiz úlken sheńber quryp, kelgen baǵban ataımen qoshtasaıyq:
Qol ustasyp turaıyq,
Sheńberdi biz quraıyq.
Kóriskenshe kún jaqsy.
Saý salamat bolaıyq!