InfoHub Logo

Tanymal telejúrgizýshi ári jýrnalıs Láılá Sultanqyzy «Ǵashyqpyn saǵan» melodramasynan alǵan áserin bólisip, óziniń júrekjardy jazbasyn jarıalady.

Threads áleýmettik jelisinde belsendilik tanytyp, oqyrmandarymen jıi pikir almasyp júretin Láılá Sultanqyzy aldaǵy ýaqytta Astanada ótetin «Ǵashyqpyn saǵan» fılminiń kórsetilimine shaqyryp, oqyrmandaryn birge kórýge shaqyrǵan edi.

Fılmdi tamashalaǵannan keıin ol óz áserimen bólisti. Ásirese, basty keıipkerdiń vanada otyryp jylaǵan sáti onyń esine óziniń basynan ótken qıyn kezeńderdi saldy.

Qaırat Berkinbaevti eske aldy

«Qaırekeń qaıtqannan keıin dál osylaı vanaǵa tyǵylyp, ishimdegini sýǵa aıtyp jylaıtynmyn. Sol kezdegi oıym – uldarym kóz jasymdy kórmesin dep, qaıǵy-muńymdy kóz jasym arqyly sýǵa aǵyzyp jibersem, jeńildep qalamyn dep oılaıtynmyn», – dep jazdy Láılá Sultanqyzy.

Aıta keteıik, rejıser Dýman Erkimbek pen prodúser Jalyn Tileýbergenniń «Ǵashyqpyn saǵan» fılmi 5 aqpannan bastap elimizdiń kınoteatrlarynda kórsetile bastady. Fılmniń sújeti boıynsha, stýdent qyz otbasy úshin jumys izdep júrip, oqýdan shyǵarylady. Sol túnde ol mýzykant bolýdy armandaǵan Arman esimdi jigitpen tanysyp, arada mahabbat paıda bolady. Alaıda, ómirdiń synaqtary men mańyzdy tańdaýlar eki jasty qıyn sheshimderge ıtermeleıdi.