InfoHub Logo

Lean-júıesin (Únemdi óndiris tehnologıasyn) engizý arqyly óńirlerdegi ulttyq poshta operatorynyń paıdaly óndiristik alańdarynyń qoldanystaǵy alańy 70%-ǵa keńeıdi. Bul týraly «Qazposhta» AQ-nyń baspasóz qyzmeti jazdy.

«Sondaı-aq, poshtalyq jóneltilimniń óńdeý ýaqyty edáýir qysqartyldy. Endi iri habtardy óńdeý bir táýlik ýaqytty alady. Al aımaqtyq suryptaý ortalyqtarynda – 24 saǵattan 12 saǵatqa deıin tómendedi. Qyzmetkerdiń ónimdilik tıimdiligi eki ese ósti», – delingen portalda.

Qazposhtanyń 16 suryptaý ortalyqtarynda mundaı bıznes-úderisterdi ońtaılandyrý Transformasıa baǵdarlamasy sheńberinde ótkiziledi. Nátıjesinde ortalyqtardyń ártúrli bólimderin ornalastyrý qaıta qaraldy. Poshtany suryptaý operasıalary avtomattandyryldy. Buǵan qosa, tasymaldaý azaıtylyp, shyǵyndar joıyldy.

«Shamamen 1500 suryptaýshylar jáne poshtashylar LEAN-mádenıetin arnaıy oqytý ádisterinnen ótti, al úzdik mamandar tájirıbeni Reseıde jáne Germanıada ótken bolatyn», – dep jazylǵan basylymda.

Bul júıeniń qyzmetkerler úshin paıdasy kóp eken. Iaǵnı, olardyń únemdilik júıege aralasýǵa jáne Lean-oılaýdy qalyptastyrýǵa múmkindik berip jatyr.

LEAN-mádenıet – óndiristik kásiporyndy basqarýǵa arnalǵan konsepsıa. Bul óz kezeginde shyǵyndardy boldyrmaýǵa yqpal etetin, júıeli tásil. Sonymen qatar, bıznesti ońtaılandyrýǵa jáne ondaǵy qyzmetkerlerdiń tutynýshylarǵa sapaly qyzmet usynýyna yqpal etedi.

---