Álemdik oqýlyqtar qazaq tilinde
Sáýirdiń 18-shi juldyzynda ál-Farabı atyndaǵy Qazaq ulttyq ýnıversıtetinde «Jańa gýmanıtarlyq bilim: qazaq tilindegi 100 oqýlyq» jobasy asynda qazaq tiline aýdarylǵan 30 jańa oqýlyqtyń tusaýkeseri ótti. Konferensıa jumysyna QR Prezıdenti ákimshiliginiń ishki saıasat bóliminiń meńgerýshisi, «Rýhanı jańǵyrý» baǵdarlamasyn júzege asyrý jónindegi ulttyq komısıanyń hatshysy Aıda Balaeva, «Ulttyq aýdarma búrosy» qoǵamdyq qorynyń atqarýshy dırektory Raýan Kenjehanuly, sondaı-aq Almaty qalasy joǵary oqý oryndarynyń oqytýshy-professorlar quramy, aýdarmashylar qatysty. Shara barysynda qatysýshylarǵa qazaq tiline aýdarylǵan kitaptar tanystyrylyp, bıylǵy jyly qandaı oqýlyqtar tárjimalanatyny jóninde málimet berdi. Konferensıaǵa qatysqan ǵalymdardyń kópshiligi aýdarmalardyń óte sátti shyqqanyn atap ótti. Tarıh, fılosofıa, saıasattaný, áleýmettaný, ádebıettaný jáne ózge de ǵylym salalary boıynsha jazylǵan álemdegi úzdik oqýlyqtardy qazaq tiline aýdarý- «Rýhanı jańǵyrý» jalpyulttyq baǵdarlamasy aıasynda atqarylyp jatqan tyń jobalardyń biri de biregeıi. Damyǵan órkenıetti elderdiń qataryna qosylýymyzǵa septigin tıgizetin bul joba elimizdiń ǵylymy men mádenıetine qosylǵan ólsheýsiz úles ekendigi sózsiz.
Gúlmarıa Turysbekqyzy
You Might Also Like
-
«Jalpy orta bilim berý №1 qazaq tirek mektebi (R.O)» KMM Áleýmettik pedagog Majıtov Saken Kabıkenovıch Adamnyń eń mańyzdy ıgiligi – jeke basynyń bostandyǵy men quqyqtary bolyp ...
-
Elbasynyń qoldaýymen Qazaqstanda qorshaǵan ortany qorǵaý jáne qalyptasqan ekologıalyq ahýaldy jaqsartýǵa baǵyttalǵan birneshe mańyzdy zańdar men qujattar qabyldandy. Sonyń eń mańyzdysy “Qazaqst...
