InfoHub Logo

Muqaǵalı Maqataev «Álippe»
Sabaqtyń maqsaty: 1) Oqýshylarǵa óleńdegi negizgi oıdy uǵyndyrý, óleńdi túsinip, manerlep oqýǵa mashyqtandyrý. Álippe
oqýlyǵy týraly túsinigin keńeıtý.
2) Oqýshylardyń sóıleý, oılaý daǵdylaryn qalyptastyrý. Sózdik qoryn molaıtyp, este saqtaý qabiletterin arttyrý.
3) Oqýlyq qadirin bilýge, taza ustaýǵa, bilimdi bolýǵa tárbıeleý.
Kórnekiligi: Interaktıvti taqta, sýretter, oqýlyq, dápter.
Sabaqtyń túri: Jańa bilim meńgertý.

Sabaqtyń barysy:
I. Uıymdastyrý.
Psıhalogıalyq daıyndyq.
Qýan, shattan,
Qýanatyn kún búgin.
Qaıyrly tań!
Kúlip shyqty kún búgin.
- Al, balalar, árbir kúnde aıtatyn uranymyz qalaı edi?
Sabaqtyń urany:
Qýanyshqa bólengen ár kúnimiz,
Baqyttymyz balalar, barlyǵymyz.
- Jaraısyńdar balalar, biz táýelsiz eldiń ulandarymyz. Bárimiz eshkimge baǵynyshty emespiz. Beıbit elde ómir súrip jatyrmyz. Sondyqtan da balalar, ár kún, ár tań kúlip oıanyp, qýanyshty bop júrsek bizden baqytty adam bolmaıdy. Mine, bizdi osy baqytty kúnderge jetkizgen - táýelsizdik. Bıyl táýelsizdikke 20 jyl tolyp otyr. Bul jaıynda bizder synyp saǵatynda tanystyq. Osy taqyrypqa oraı 1 synyptar arasynda «Táýelsizdikke - 20 jyl» atty aptalyq ótkizip jatyr. Al bizdiń synypta kúndegiden erekshe sabaq ótilýde. Sondyqtan, boıymyzdy tik ustap, oqýshy erejesine saı túzý otyraıyq ta, búgingi sabaqqa jaqsy qatysaıyq.

II. Úı tapsyrmasyn suraý.
(4 - 5 oqýshydan suraý)
- Jaraısyńdar balalar, al endi osy Astana jaıly ne biesińder?
- Astana - elimizdiń bas qalasy.
- Astana - jańaryp kele jatqan jas qala.
- Astana – ásem ǵımarattarǵa toly qala.
- Endeshe balalar, osy ǵımarattardy birge tamashalaıyq. Astana sózi qandaı áripterden quralǵan?
A S T A N A
- Balalar, Astana sózinde neshe árip bar eken, qane sanaıyqshy.
Sanaýdy bizder qaı sabaqtan úırendik?
- Matematıka páninen.
- Sonymen barlyǵy neshe árip boldy?
- 6 árip.
- Endi osy 6 áriptiń astynda suraqtar jasyrynǵan, sol suraqtarǵa durys jaýap berip, ony aýdarsaq taǵy bir árip shyǵady.
1) A - a áripinen bastalatyn sózder aıt. Á
2) S - qazaq alfavıtinde neshe árip bar? L
3) T - dybystar neshege bólinedi? İ
4) A - qazaq tiline tán tól áripterdi ata? P
5) N - daýysty dybystar neshege bólinedi? P
6) A - Daýyssyz dybystar nesheý? E
- Balalar, qandaı sóz shyqty?
- Álippe.
- Al bul ne?
- Álippe oqýlyǵy.
- Biz oqýlyqtardy qaıdan alamyz?
- Kitaphanadan.
- Sender óz mektepterińdegi kitaphanany kórdińizder me? Ol kaı jerde ornalasqan? Kitaphanashy apaıdyń esimi kim? Kitaphanadan alǵan kitapty qalaı ustaý kerek?
- Endi oqýlyqtaǵy sýretke qaraıyq. Osy kitaphana sýretinde erekshe kózge túsip turǵan qaı kitap?
- Álippe oqýlyǵy.
- Myna bala da bizder sıaqty álippeni aıaqtap, qoshtasyp, kitabyn tapsyryp jatyr. Bizder jaqynda osy oqýlyqty tapsyryp, ana tili oqýlyǵyn alamyz.
- Balalar, biz endi osy álippeden ne úırendik?
(Álippeniń mańyzy jaıly aıtyp ketý; áripterdi, sóılem quraýdy t. b)
- Olaı bolsa, áripter álemine baryp, sergip qaıtaıyq.

İİİ. Sergitý.
- Balalar, qazir men senderge bir árip aıtamyn. Sender tek sol áripten bastalatyn sózderden sóılem quraýlaryń kerek. Mysaly: «B» Balqashta balyqtar bar.
Al senderge beriletin árip «J».
İV. Jańa sabaq
Balalar, bizge osy áripterdi úıretken Álippe oqýlyǵy bolatyn. Sondyqtan osy álippe jaıynda da kóptegen aqyndarymyz óleńder jazǵan eken. Biz búgin sonyń biri M. Maqataevtyń «Álippe» óleńimen tanyspaqshymyz. Aldymen osy óleńdi jazǵan adammen tanystyryp keteıin.
Avtormen tanystyrý.

M. Maqataev - (1931 - 1976) Almaty oblysynyń qazirgi Raıymbek aýdanyndaǵy Qarasaz aýylynda dúnıege kelgen. Óziniń shynaıy talanty, syrǵa toly tunyq ta móldir jyrlary arqyly jurtshylyq júregine jol tapqan Muqaǵalı murasy búginde týǵan halqynyń qajetine jarap, rýhanı azyǵyna aınalyp otyr. Qazir men sizderge osy aqynnyń óz daýsymen oqyǵan óleńderin tyńdatamyn. Bul óleńniń qazirgi sabaqqa qatysy bolmasa da meniń mundaǵy negizgi maqsatym, osy aqynnyń óz daýsyn estirtý, osy aqyndaı mánerlep oqýǵa baýlý. Endi óleńmen tanystyraıyn.
Óleńmen tanystyrý.
Óleńdi mánerlep oqý, maǵynasyn ashý.
Sózdik jumysy.
Tarydaı - kishkentaı
Taýdaı - úlken

Álippe
↓

Oqý, bilim bastaýy
Mekteptiń negizi
Barlyq ǵylym anasy
Oqýlyq

Óleńdi ishteı, tizbekteı oqytý.

VII. Dáptermen jumys.
- Balalar, biz osy óleńnen ne túsindik, sony qysqasha bir ǵana sóılemmen dápterge jazaıyq.
Álippe – barlyq ǵylym anasy.

VIII. Shyǵarmashylyq tapsyrma.
Býyndardan maqal quraý.
Mek, me, tep, ke, bi, te, lim, te, lim, ńiz.
- Balalar, qandaı maqal shyqty?
- Mektep - keme, bilim - teńiz.
- Bul maqaldy qalaı túsinemiz?
- Basqa qandaı oqý, bilim týraly maqal bilesińder?

IX. Sabaqty qorytyndylaý.
- Búgin qandaı óleńmen tanystyq?
- Avtory kim?
- Bar ǵylymǵa bas bolǵan qaı kitap eken?
- Bar ǵylymǵa bas bolǵan álippe oqýlyǵyn qalaı ustaýymyz kerek?
Osy óleńdi jattap alyńdar.
Sabaqqa jaqsy qatysqan oqýshylardy madaqtaý.

Mańǵystaý oblysy, Túpqaraǵan aýdany, Taýshyq aýyly
Shahta orta mektebiniń bastaýysh synyp muǵalimi
Ahanova Nazgýl Janbyrbaevna