InfoHub Logo

«Mahabbatsyz dúnıe bos» dep Abaı atamyz aıtpaqshy, mahabbat-uly sezim. Ár adam ómirde túrli sezimderdi bastan keshedi. Sábı dúnıe esigin ashqannan bastap jan-jaǵynda bolyp jatqan is-áreketterge,janyndaǵy adamdarǵa degen qyzyǵýshylyq,álemdi tanýǵa degen umtylys bolady. Óse kele ol ata-anasyn,týystaryn tanyp,olarǵa degen ystyq mahabbatty sezinedi. Jańa dostar taýyp,mektep tabaldyryǵyn attaıdy. Bilim alýǵa qulshynysy artyp,aldyna maqsat qoıady. Dostaryna,ustazdaryna,jaqyndaryna degen bir ystyq sezim bolady. Bul-mahabbat. Mahabbat-izgi sezim,názik sezim. Bul sezim belgili bir janǵa nemese janyńa jaqyn isterge ashylýy múmkin. Al ǵashyq bolý-odan da ystyq. Sen ǵashyq bolǵan sátte álem ózgerip,qulpyryp sala bergendeı bolady. Seniń kózińe erekshe sulýlyq elesteıdi. Tek jaqsylyqtardy ǵana kóresiń. Al óziń ǵashyq bolǵan jan eń erekshe,dara jan bolyp kórineri sózsizú. Ol jannyń tek erekshelikterine mán berip,kemshilikterin kórmeýge tyrysasyń. Tipti sol bir jan úshin óz kemshilikterińdi joıýǵa tyrysasyń. Ómirińdi sol jansyz elestete almaıtyndaısyń.Ol-ómirińniń máni,sáni. Eger bul sezim ońynan bolyp,mahabbatqa ulassa,ol jan seniń bir bólshegińe aınalady. Ǵalymdardyń aıtýynsha «júrek qatelespeıdi». Endeshe,tańdaý jasar aldynda eń birinshi júrek únine qulaq túrý kerek dep oılaımyn.

Mahabbat taqyrybyna poezıasynyń bir bóligin arnaǵan «Alash» partıasynyń múshesi,birtýar aqyn Maǵjan Jumabaev bolyp tabylady. Maǵjan Jumabaev tek áleýmettik máselelerdi qozǵap qana qoımaı, mahabbat týraly «Jas kelin» ,«Zarly sulý», «Súıgenim», «Aldanǵan sulý» sekildi óleńder jazǵan.

«Súıgenime» óleńin,aty aıtyp turǵandaı,mahabbatyna arnaǵan. Óleń joldaryndaǵy «Jandym-kúıdim,seni oılap,damyl kórmeı,Esh janǵa senen basqa kóńál bólmeı» degen sózderden onyń óz súıgenine degen adaldyǵyn anyq baıqaýǵa bolady.Bul óleń joldary jaı ǵana mahabbat emes,baıansyz,susty,qatal mahabbatty kórsetedi.Óıtkeni,bul-jaýapsyz mahabbat.Seniń kúni-túni oılap júrgen adamyńnyń saǵan eshqandaı sezimi joqtyǵyn,sezimińe jaýap qatpaıtyndyǵyn bilý,árıne,óte qıyn. Óleńnen «Ómirińshe «ket ármennen» aıyrmadyń!» degen joldardy oqımyz. Osy eki aýyz sózdiń ózi súıekten ótedi. Sebebi,ol sózderdi seniń súıgeniń janyńnyń bir bólshegi aıtady. Óleńde Maǵjan atamyz óziniń súımese de basqa janǵa ketip,endi bul adamǵa qaıta oralmaıtyndyǵyn aıtady. Al sońǵy joldarynda ol súıgen janynyń  qara jer ekendigin baıandaıdy. Bul óleńdi oqı otyra men tek qana tátti mahabbat emes,sonymen qatar taǵdyryńdy tálkige salar jaýapsyz,qatal mahabbattyń bolatynyna kóz jetkizdim. Aqyn sol bir jansyz ómiriniń qanshalyqty mánsiz ekenin,mahabbat jalynynyń qanshalyqty ystyq ekenin ashyp kórsetti dep oılaımyn.

Aqynnyń taǵy bir keremet týyndysy-«Juldyzdy júzik,aıdy alqa qyp bereıin». Bul óleńde aqyn súıgenin juldyzǵa,kúnge,aıtqan sózin sıqyrǵa,shashyn tolqynǵa,betin balǵa teńegen. Ǵashyǵynyń kúlkisin «Kúndeı kúmis tabaqqa merýert juldyz shashqandaı» dep óte ádemi sıpattaıdy. Óleń joldarynan saǵynysh sazyn da baıqaýǵa bolady. Onyń alyp ushqan darıa kóńili súıgeniniń shashyndaı tolqynǵa kep soǵady. Sol bir janǵa arnalǵan jyrlaryn júregindegi qanyna qalam malyp jazyp beredi. Eger súıgeni janynda bolsa, sáýlelerden shoq jasap beredi. Bul teńeýler ne degen keremet edi?! Óleńdi qaı jaǵynan oqysań da ádemi teńeýlerge toly. Men osy teńeýler men tapqyrlyǵy úshin aqyn Maǵjan atamyzǵa basymdy ıemin. Bundaı tátti sezimderge teńeý taýyp aıtýdyń ózi úlken óner,eńbek dep oılaımyn.

Qazirgi zamanda jas-jubaılar arasynda ajyrasý kóptep kezdesedi. Bul-qazirgi kezdegi aktýaldy máselelerdiń biri.Ata-babamyzdyń arasynda aıtýdyń ózi jat másele qazir tipten qanǵa sińip, úırenisip bara jatqan syqyldymyz. Jar tańdaý-óte qıyn. Osy tańdaýdan soń, ómirdiń ystyq-sýyǵyna tózip, qandaı qıyndyq bolmasyn jaryńa qoldaý kórsetip, senim bildárý kerek dep oılaımyn.Meniń oıymsha, ár januıanyń shańyraǵyn adaldyq, tózimdilik, senim jáne mahabbat ustap turýy qajet.

Mahabbat-erekshe sezim. Osy sezimge kezige otyryp, boıymyzǵa adaldyqty serik eteıik.Mahabbat sımvolyna aınalǵan «Qyz Jibek pen Tólegen» jyryn oqyp otyrsaq ta dál osy qasıetti baıqaımyn. Men ár pendege baqytty da baıandy mahabbat tileımin.        

---