f.azh.kz
Mahambet aýdanynda jylyna 130 tonna balyq óndiretin jańa zaýyt ashylady
Atyraý oblysynda balyq sharýashylyǵyn damytýǵa baǵyttalǵan aýqymdy jobalar qolǵa alynyp, Mahambet aýdanynda zamanaýı balyq óńdeý zaýyty iske qosylady. Bul jańalyq óńirdiń ekonomıkasyna serpin berip, eksport áleýetin arttyrady dep kútilýde.
Bul týraly Infohub.kz aqparat agenttigi habarlaıdy.
Mahambet aýdanynda «A-Dana» sharýa qojalyǵynyń zaýyty qurylysy aıaqtalýda. Jobanyń negizgi maqsaty – jylyna 15 mıllıon dana bekire tuqymdas balyq shabaǵyn ósirý jáne 130 tonnaǵa deıin tovarlyq balyq óndirý.
Eksporttyq áleýetti arttyrý
Atyraý óńiriniń balyq ónimderi shetelde joǵary suranysqa ıe. Ótken jyly oblysta 15,5 myń tonnadan astam balyq aýlanǵan. Onyń 10 myń tonnasy jergilikti kásiporyndarda óńdelip, 3,3 myń tonnadan astamy eksportqa jóneltilgen. Qazirgi tańda Atyraý balyqtary Reseı, Ázirbaıjan, Grýzıa, Ýkraına jáne Germanıa syndy elderge jetkizilýde.
Damý perspektıvalary
Búgingi tańda oblysta 18 balyq sharýashylyǵy sýbektisi jumys isteıdi, olarǵa 31 ýchaske bekitilgen. Alaıda, óńirdiń áleýeti áli tolyq paıdalanylmaı otyr. Qosymsha 27 ýchaske ınvestorlardy kútýde.
Aýyl sharýashylyǵy basqarmasynyń bólim basshysy Bekzat Sársenǵalıdiń aıtýynsha, jańa jobalar óndiris kólemin ulǵaıtyp, eksport geografıasyn keńeıtýge múmkindik beredi. Jańa zaýyttar taýarlyq balyq ósirýdi damytý arqyly tabıǵı sý qoımalaryna túsetin salmaqty azaıtýǵa yqpal etedi.
-
Sarapshynyń aıtýynsha, 2027 jyldan bastap Qazaqstanda janar-jaǵarmaı baǵasy 70-90% deıin ósýi yqtımal.
-
A modern fish processing plant is set to open in the Makhat district, aiming to significantly increase fish production and expand export markets for the Atyrau region.
