InfoHub Logo

Reseı azamaty Denıs Smychek Qatarda júrgende, óz eliniń azamattaryn shet elden evakýasıalaý jumystarynyń salǵyrt júrgizilip jatqanyna qynjylys bildirdi. Ol óziniń Instagram paraqshasynda qazaqstandyqtardy evakýasıalaýdyń jolǵa qoıylǵanyn kórip, qyzyǵýshylyq tanytty.

Bul týraly Infohub.kz aqparat agenttigi habarlaıdy.

Denıs Smychektiń aıtýynsha, Qazaqstannyń shet eldegi elshiligi óz azamattaryna Saýd Arabıasyna vıza rásimdep, avtobýstarmen tasymaldap, odan ári Almatyǵa tegin ushaqpen jetkizýdi uıymdastyrǵan. Tipti, ár azamatqa 35 dollardan kómek berilgeni týraly aıtylady.

Reseılikterdiń evakýasıasynyń jaı-kúıi

«Sońǵy jańalyqtar: Qazaqstan azamattaryna Saýd Arabıasynan vıza jasap, erteń avtobýstarmen alyp ketedi (bul shamamen 22 saǵattyq jol). Odan ári Almatyǵa tegin ushaqpen jiberedi. Olardyń kartasyna 35 dollardan da aýdarady. Al bizde eshteńe joq. Biraq biz muńaımaımyz. Jaqsy nátıjege senemiz», – dep jazdy ol.

Vıdeoda qazaqstandyqtardy evakýasıalaýǵa daıyndyq júrip jatqany týraly habarlama únparaqtary estilip turady. Dıspecher: «Qazaqstan elshiliginiń ókiliniń aqparaty boıynsha: barlyq Qazaqstan azamattary Saýd Arabıasynda vızaǵa ótinishti shuǵyl túrde resimdeýi qajet, sizderge jiberilgen WhatsApp siltemesi arqyly ótińizder. Sebebi sizderdiń avtobýstaryńyz Saýd Arabıasy aýmaǵyna kiredi. Djıddadan QR elshiligi uıymdastyrǵan tegin ushaq sizderdi tikeleı Almatyǵa alyp ketedi», – dep habarlaıdy.

«Mama, nege men qazaq emespin?»

Bul jaǵdaıdy kórgen Reseı azamaty beınejazbada kúlkili túrde: «Mama, nege men qazaq emespin?» dep suraıdy.

Komentarılerde qazaqstandyqtar ózderiniń shet elden jedel shyǵarylǵanyn rastady. Bir qoldanýshy: «Qazir túnde shól dalada kele jatyrmyz, Er-Rıadqa jaqyndap qaldyq, sodan keıin Djıddaǵa avtobýspen baramyz (10 saǵattaı jol) – sol jerden Qazaqstanǵa ushamyz», – dep jazdy.

Taǵy bir azamat Germanıada turatynyn aıtyp, elshiliktiń konsýldyq esepke turý qajettiligi týraly aıtqanyn eske aldy. «Eger elde tótenshe jaǵdaı oryn alsa, olar óz azamattarynyń qaıda ekenin bilip, qutqarýǵa daıyn bolady eken. Bul meniń janyma tynyshtyq pen jaılylyq syılady», – deıdi ol.

Basqa bir pikirde: «Ótken jyly jarylystar men zymyrandar astynda bizdiń ushaq múmkin emesti jasap, qazaqstandyqtardy urys alańynan alyp shyqqanyn bárińiz bilesizder», – dep jazylǵan.

2011 jyly Japonıada bolǵan jaǵdaıdy eske alǵan qoldanýshy: «Qazaqstan elshiligi tez áreket etip, basqa elderdiń azamattaryn da alyp ketken edi. Men Qyrǵyzstan pasportymen esh qıyndyqsyz ushaqqa mindim, janymda bir jasar sábıim boldy. Olar pasporttyń túsine qaramaı, balaly áıelderdi aldy. Qazaqstanǵa úlken alǵysymdy bildiremin», – dep jazdy.

Esterińizge sala keteıik, qazaqstandyqtardy Taıaý Shyǵys elderinen áketý bastalǵan bolatyn. FlyDubai áýe kompanıasy Dýbaı – Astana jáne Dýbaı – Almaty baǵyttary boıynsha 2 reıs uıymdastyryp, 306 jolaýshyny tasymaldady. Jaqynda Kólik komıteti jańa reıster men kestelerdi jarıalady.