InfoHub Logo

Men qazirgi tańda Ál-Farabı atyndaǵy Qazaq Ulttyq Ýnıversıteti, Fılosofıa jáne saıasattaný fakúltetiniń stýdentimin. 

Meniń qazir sóz qozǵaǵym kelip otyrǵan taqyrybym óz ýnıversıtetim,sonyń ishinde mamandyǵym jaıly. Mamandyǵym - Dintaný. Bul mamandyqqa oqýǵa túspes buryn kóp oılanyp sheshim qabyldadym. Árıne ,mektepti támamdap bolǵannan keıin,jaqsy mamandyq ıesi bolǵyń keletini sózsiz. Osy dintaný mamandyǵynda oqysam keıin óz mamandyǵym boıynsha jumys taba alamyn ba , dıplomym úıde shań basyp qalmaı ma degen suraqtar mazalaǵany da ras. Bul mamandyq jaıynda men mektep qabyrǵasynda júrgende alǵash estigen bolatynmyn. Óz oıymdy jınaqtaı kele ata-anammen aqyldasa otyryp,osy mamandyqqa qujattarymdy tapsyrdym. Sonymen, 2019 jyly jazda shyǵarmashylyq emtıhandy oıdaǵydaı tapsyryp, 109 balmen, bala kezden armandaǵan ýnıversıtetiniń grant ıegeri atandym, qazirgi tańda 3-kýrsty támamdadym. Bala kúngi armanyńnyń qazirgi kúnde oryndalatynyn kim bilgen deseńshi?! Shirkin, sol emtıhan tapsyryp, joǵary bal jınaǵan kezdegi qýanyshymdy sózben jazý múmkin emes. Jalǵyz meniń emes, talaı túlekterdiń armany bolǵan Ál-Farabı atyndaǵy QazUÝ-de oqý múmkindigi maǵan da buıyrypty. 

Mamandyǵymdy meńgerý barysynda túrli qyzyqtarǵa tap boldym. Búkil dúnıejúzinde ár halyqtyń,tipti ár adamnyń Qudaıǵa degen senimi ár qıly ekenin bildim. Osyǵan deıin álemde tek 4 din Býddızm,Hrıstıan,Islam,Iýdaýzm dinderi bar dep oılap keldim. Bul oıymnyń qate ekendigin oqý barysynda túsindim. Mamandyqtyqty meńgerý úshin ýnıversıtet qabyrǵasynda barlyq jaǵdaı jasalǵan. 

Buryn dintaný dese halyqtyń qulaǵyna túrpideı tıetin bul mamandyq endi - endi keńge jaıyla bastap, adamdardyń boıy úırendi. Naqtylap aıtar bolsam, bul mamandyqty bitirgen stýdent meshitte ımam bolyp, ýaǵyz aıtatyn adam emes (kóbisi solaı oılaıdy). Dintaný zaıyrly mamandyqtardyń biri, ıaǵnı ekonomıs, zańger, býhgalter degenderińizden asyp túspese, kem emes.

QazUÝ – talantty, daryndy stýdentterdiń basyn biriktirip otyrǵan meken. Syılastyq pen shynaıy dostyqtyń mekeni. 

Sol sebepti de, men ózimniń QazUÝ-de oqyp júrgenimdi ómirimdegi eń úlken jetistik dep sanaımyn.

Armandar oryndalady!

Ál-Farabı atyndaǵy QazUÝ, aǵa oqytýshysy Sarsembaev R.M., Dintaný mamandyǵynyń 3 kýrs stýdenti Qýandyq Aıajan

---