InfoHub Logo

Bilim berý salasy: Tanym
Bólimderi: Jaratylystaný
Taqyryby: Mamandyqtar (dáriger, aspazshy, tiginshi)
Maqsaty: Balalarǵa mamandyq týraly túsindirý, mamandyq ıelerin qurmetteýdi úıretý. Uqyptylyqqa, ádeptilikke, basqanyń eńbegin qurmetteýge tárbıeleý.
Tárbıeshi balalardy ózine qaratady. Jylýlyq sheńberine balalardy turǵyzady.
Dóńgelenip shyǵamyn,
Kúlim qaǵyp turamyn.
Nur sáýlemdi tógemin,
Kúlimdep ómir súremin
Jylýlyq sheńberinen keıin oryndaryna otyratynyn aıtady.
Osy kezde esik qaǵylyp, bólmege dáriger, tárbıeshi, aspazshy jáne dúkenshi bolyp kıingen balalar kiredi
Tárbıeshi:
- Balalar, qarańdarshy bizge qonaqqa kimder keldi?
- Durys aıtasyńdar, bizge qonaqqa dáriger, tárbıeshi, aspazshy, dúkenshi kelipti.
İsh aýyrsa, tis aýyrsa,
Maǵan dári beredi.
Barlyq ana, barlyq bala,
Ony jaqsy kóredi.
- Balalar, aıtyńdarshy, taqpaǵymyz kim týraly?
- Balalar, bular mamandyq ıeleri eken. Al mamandyqtaryn olardyń aty aıtyp tur.
Dáriger desek biz dárigerdi aıtamyz, al dáriger ne isteıdi eken? (sújetti - róldi oıyn arqyly kórsetý)
- Durys aıtasyńdar, dáriger adamdardy emdeıdi eken.
Jaqsy tamaq pisirip,
Bizge únemi beredi.
Botqa, kóje, toqashty
Dámdi etip pisirgen.
Ol kim eken, kim biler?
- Al, aspazshy dep kimdi aıtamyz? (sújetti - róldi oıyn arqyly kórsetý)
- Al, balalar, myna taqpaq kim týraly?
Bizge taqpaq úıretip,
Ánderdi de jattatty.
Qyzyq oıyn oınatyp,
Der kezinde uıyqtatty
Aıtyńdarshy balalar,(sújetti - róldi oıyn arqyly kórsetý)
Kim týraly aıttym men?

Sergitý sátin jasaý.
Kúnde shat, kúlip kún,
Shattanamyz bárimiz.
Shyn baqytpen qýanyp,
Órkendeımiz bárimiz.

Dúkenge sen kelesiń,
Oıynshyq, tátti alasyń.
Al, balaqan kim aıtady,
Osyny kimnen alasyń?
Dıdaktıkalyq oıyn «Sıqyrly dorba»№ 12 (q. s)
Sıqyrly dorbadan mamandyq ıeleri beınelengen sýretterden mamandyq ıeleri týraly aıtady.

- Balalar, búgin bizge qonaqqa kimder keldi?
- Qalaı oılaısyńdar biz mamandyq týraly ne bildik?

Uıymdasqan oqý is - áreket sońynda balalardy maqtaý, madaqtaý arqyly belsendilikterin kóterý
Kútiletin nátıje:
Bilýi nemese habardar bolýy: Mamandyq týraly bilý;
Qalyptasqan ádet: Tárbıeshini muqıat tyńdaıdy, óz oılaryn qorytyndylaı alady;
İsteı bilýi: Mamandyq ıelerin atap, olardyń qyzmeti týraly biledi.

Adılhanova Aıgerım Beısengazınovna