InfoHub Logo

Máńgilik El – 2050 adamnyń óz Otany, tili, salt – dástúri, ádet – ǵurpy, ótkeni men bolashaǵy bar. Meniń elim – táýelsiz Qazaqstan. Men óz elimdi maqtan tutamyn. Elimniń tarıhy – meniń halqymnyń ótkeni men búgini. Egemendi elimniń ár jasy – bilimdi de parasatty, patrıot, tolleranttylyǵy myqty ul men qyz.

Meniń elim, halqym Máńgilik Eldiń  irgesin qalady. Máńgilik El – ata-babalarymyzdyń san myń jyldar men ǵasyrlyq asyl armany. Ol arman – turmysy qýatty, shańyraǵy shattyq pen meıirimge toly, urpaǵy erteńine nyq senimmen qaraıtyn baqytty, azat, táýelsiz el bolý edi. Osy arman tilekter búginde aqıqatqa aınaldy. Maǵynasy tereń, taǵylymy zor eskertkishtiń biri- Astananyń sol jaǵalaýynda bıikke boı sozǵan, sáýletti ǵımarattardyń ortasynan oryn alǵan, Aqordaǵa bet burǵan, shýaǵy  Beıbitshilik jáne kelisim saraıyna, «Qazaq eli» monýmentine, Táýelsizdik pen Shabyt saraıyna taraǵan, sáýlesi aspanmen teńesken alyp ǵımarattarǵa baǵyt alǵan «Máńgilik El» qaqpasy. «Máńgilik El»  sóziniń tarıhy men tamyry tereńde jáne úlken maǵynaly máni bar. Túrki shejiresinde «Máńgi» sózi «Táńir», «Alla» sózderimen maǵynalas qoldanylady. Endeshe, «Máńgilik El» «Alla Taǵalanyń eli, halqy» degen maǵynany, uǵymdy bildirse kerek. Mańaıynan adam qarasy úzilmeıtin bul eskertkishke halqymnyń barlyq bitim – bolmysy, dúnıetanymy, mádenıeti tolyqtaı bir aranada toǵysqan. Egemendi el, ór rýhty halyq ekenimizdi aıqyndaıtyn bul qaqpanyń Saryarqa tórinen nyq oryn alýy da teginen tegin emes. Táýelsizdigimizdiń 20 jyldyǵy qarsańynda ashylǵan sáýlet nysany 20 metr bıiktikte asqaqtasa, al eskertkishtegi ár naqysh ózindik bir erekshiligimen kózge túsedi. Mysalǵa qaqpanyń sol jaq qaptalynda oryn alǵan «qarıa» músini halyqtyń tereń oıy men rýhanı dúnıetanymynyń kórinisi, danalyqtyń sımvoly bolsa, «Áıel- Ananyń» beınesi halqymyz úshin Otan – Ana, Jer – Ana, Ana tili degen kıeli ulttyq uǵymdy beredi.

Al osy Máńgilik eldiń júregi men tynysyna aınalǵan Astanamyz bar. Máńgilik Elimniń jıyrma tórt jyldyq máńgilikke aınalǵan tarıhy bar.

Biz, búgingi jastar, sonaý 1465 jyldan handyq qurǵan Kereı men Qasym,  Jánibektiń urpaǵymyz. Elimniń tarıhy sol kezden bastaý alady. Bizder sol babalarymyzdyń uly isterin jalǵastyrýshymyz.

Ultymyzdyń, qazaq halqynyń, boıyndaǵy kúsh-qýaty men myqtylyǵy sondaı, «Aqtaban shubyryndy, Alqakól sulamaǵaǵa» da tótep bere aldy. Qansha qurban bolǵan Jeltoqsan bozdaqtaryn aıtqanda, tebirenesiń, júregiń muzdap qoıa beredi. Sol aǵa-ápkelerdiń erligi bizge úlgi, ónege.

Eldi qos ókpeden qysqan qursaý kezinde halyqtyń basyn biriktire bilgen Abylaı hannyń sózi men semseri eldi bodandyqtan qutqaryp qalǵan bolatyn. Al búginde el táýelsizdiginiń jıyrma tórt jylyn artqa tastap, birneshe bıik belesterdi baǵyndyra bilgen Kóshbasshymyz N.Á.Nazarbaev sózi men isi elimizdi barshaǵa tanytyp qana qoımaı, «Qazaqstan» degen uly derjava bar ekenin barsha Eýropaǵa dáleldeı bildi.

Qazaq halqy úshin árdaıym jeti sany qasıetti, orny bólek bolǵan. Sonyń biri jeti yrys, jeti qabat kók, jeti qazyna. Kezinde júırik at, qyran búrkit, beren myltyq pen qańdy aýyz qaqpandy, maılanǵysh aýdy,  ótkir kezdikti jeti qazynaǵa balaǵan halqymnyń dástúrli dúnıetanymyn elbasy jańa ǵasyrdyń basty baǵdarlamasy bolǵan «Qazaqstan - 2050» strategıasynyń osy jeti basymdyqtan turatynyn ańǵartty. Táýelsizdikke tartý etilgendeı elimiz baǵa jetpes jeti qazynaǵa ıe boldy. Halyq uǵymyndaǵy jeti qazynany ataı otyra, sony ári qaraı damyta, keńeıte, baıyta túsip, bıik-bıik sıpattar qosty. Birinshi qazynaǵa Altaı men Atyraýdy, Arqa men Alataýdyń arasyn en jaılap, erkin kósilgen Máńgilik El ekenimizdi basa aıtyp ótti. Shekaramyzdy  shegendep,  irgemizdi bekitip, kórshimen de, alyspen de syılas, tatý, isi alǵa basqan jasampaz El  ekenimizdi nyqtaı tústi.

El birligi – bizdiń  ekinshi qazynamyz. Bizdiń elimiz beıbitshiliktiń besigine aınala bildi. Tynyshytyq pen tatýlyq arqyly, tórimizge turaqtylyq pen tutastyq ornady. Táýelsizdikpen birge kelgen tól mádenıetimiz ben tilimiz – úshinshi qazynamyz. HHİ ǵasyrda barlyq tabysty ulttardyń  jolyn ındýstrıalyq – ınovasıalyq jaǵdaı aıqyndaıdy. Endeshe, elimizdiń ındýstrıalyq – ınovasıalyq ekonomıkasy myqty bolý kerek. Olaı bolsa, tórtinshi qazynamyz - ındýstrıalyq – ınovasıalyq ekonomıka. Bul baǵdarlama el ekonomıkasynyń bolashaǵy.

Ulttyq baılyǵymyzdyń, ál-aýqatymyz ben áleýetimizdiń túp negizi- Jalpyǵa Ortaq Eńbek Qoǵamy. Bizdiń bul besinshi qazynamyz.

Sáýletti de ásem qalamyz – Astana. Ol el júregi, táýelsizdik boıtumary. Altynshy qazynamyz – Astana.

Jetinshi qazyna  - qazaq eliniń abyroıyn asqaqtatyp, barsha álemdi moıyndata bilgen jahandyq jaýapkershiligi men  búkil adamzattyq bastamalar.

Qazaqstan halqy Máńgilik Eldiń irgesin qalady. Máńgilik turaqty ekonomıka qalyptastyryp, Máńgilik óshpes óz urpaǵyna jylnama jazdy. Máńgilik bolashaqqa jol saldy. Bunyń bári táýelsizdik tartýy, azattyqtyń asyl qazynasy. Endeshe, Máńgilik Elmizdiń jastary bilimdi de bilikti, shyǵarmashyl bolyp, eńbek etip otyrǵan aǵa býyn eńbegi mándi, jemisti, baıandy bolyp, nemere súıip, ár shańyraqtyń qazynasy  bolyp otyrǵan aqsaqaldy atalarymyz ben aq jaýlyqty ájelerimiz elimizdiń quty bolsyn!

Búgingi kún – ata-babalarymyzdyń arman-ańsary aqıqatqa aınalǵan kún. Búgingi kún – tilimizdi jańǵyrtyp, dinimizdi qaıtaryp, ony baǵalata bilgen uly kún. Búgingi kún – Máńgilik eldiń jańa ǵasyr tórinde jańǵyrǵan «Qazaqstan - 2050» Strategıasy kelgen kún.

Ár jas – halqynyń erlikke toly ótken tarıhyn qyzyqtap, qazaq handyǵynyń 550 mereı toıynyń  toılanýynyń kýágeri ǵana emes, «Tarıh – ı - Rashıdıdi» súısine oqıtyn, qajet bolsa áli de zertteıtin, qazaq handarynyń «Qasym hannyń qasqa jolyn», «Esim hannyń eski jolyn», Táýke hannyń «Jeti jarǵysyn» qurmet tutatyn jalyndy jas. Kókiregi «elim», «jerim», «halqym» dep soqsa, boıynda  jiger men adamgershilik, ultjandylyq basym bolsa, aǵa býyn esh alańsyz jelbiregen kók baıraǵyn óz urpaǵyna úlken maqtanysh, zor senimmen tabystaı alady. Bilimdi, jigerge toly, naǵyz patrıot jas qana ata-baba arýaǵyna bas ıip, olar tabystaǵan búgingi baqytty ómirdi baıandy etip ári qaraı gúldete beredi.  «Adam bolar bala alysqa qaraıdy» demekshi, búgingi bizdiń maqsatymyz aıqyn, bolashaǵymyz nurly, qadamymyz nyq.

 

 

 

---