Qazaqstanda orta bilimdi jańǵyrtý boıynsha eki jumys komısıasy quryldy
Qazaqstanda mektep oqýshylarynyń demalys merzimin qysqartý jáne úshtildi bilim júıesin engizý boıynsha jumys komısıalary quryldy. Bul týraly búgin Ortalyq kommýnıkalyq qyzmetinde ótken baspasóz máslıhatynda QR BǴM mektepke deıingi, orta bilim jáne aqparattyq tehnologıa departamentiniń dırektory Jańyl Jontaeva málim etti.
«Mınıstrdiń tapsyrmasy boıynsha jumys toptary quryldy, onda biz kanıkýl men úshtildi bilim berý máselelerin talqylaýdamyz. Komısıalarda biz qoǵamnyń, ata-analardyń, úkimettik emes uıymdardyń usynystaryn tyńdaımyz. Túrli pikirler bar jáne biz olardy nazardan tys qaldyrmaımyz», - dedi J.Jontaeva.
Onyń aıtýynsha, jumys komısıalarynyń otyrysy Bilim jáne ǵylym mınıstriniń, ata-analardyń, muǵalimderdiń, mektep dırektorlarynyń, bilim uıymdary basshylarynyń qatysýymen ár apta saıyn ótedi.
«Biz apta saıyn otyrys ótkizemiz, ol óz kezeginde, «Bilim» arnasy arqyly translásıalanady. Qoǵamnyń barlyq usynystary eskeriledi jáne ol boıynsha naqty sharalar atqarylady. Bizde oılanatyn ýaqyt bar, 2015-2016 oqý jylyn endi ǵana aıaqtap kelemiz. Bilim berýdiń jańa júıesi tek 1 qyrkúıekte 1 synyptarǵa ǵana engiziledi. Biz árbir jańashyldyqqa ǵylymı turǵyda negizdeme berýimiz kerek. Erteń oqýshylar úshin oqytý úderisin jeńildetý úshin, kásibı mamandardyń pikirine júginýimiz qajet», - dep atap ótti J. Jontaeva.
You Might Also Like
-
2017 jyly Ulttyq biryńǵaı testileý tolyǵymen ózgeredi.
-
Máńgilik El – 2050 adamnyń óz Otany, tili, salt – dástúri, ádet – ǵurpy, ótkeni men bolashaǵy bar. Meniń elim – táýelsiz Qazaqstan. Men óz elimdi maqtan tutamyn. Elimniń...
