InfoHub Logo

Qazaq tili men ádebıeti páni muǵalimi Parmenova Ásem

Taqyryby: Máńgilik eldiń – Uly Abaıy
Maqsaty:
Qazaqtyń bas aqyny – Abaıdyń ómiri men shyǵarmashylyǵyn sahnada kórsete otyryp, oqýshylardy adamgershilikke, shyǵarmashylyqqa tárbıeleý
Kórnekiligi:
Beınerolıkter, kitap kórmesi, banerler
Júrgizýshiler:
1 - júrgizýshi: --------------
2 - júrgizýshi: ----------------

Barysy:
Beınerolık kórsetiledi
Rolıktiń bastalýy:
Japan túz, elsiz, jolsyz, sar dalada jalǵyz túp aǵash ósipti. Aılar, jyldar ne zamandar jasatty. Árbir kóktem kúnine úmitin artyp, shat qýaty japyraǵyn artyp, gúlin atypty. Talaı jyldar ótipti. Ár jyly gúlderi men dánderi ushyp, tarap ketip jatypty. San japyraq sarǵaıa tozyp, joq bolypty. Bir zaman sol aınaladaǵy jalǵyz aǵashqa jaı túsipti de, jaırapty. Bar butaqtan, gúl japyraqtan, dán nárden aıyrylypty ajyrapty... Qýaryp shoshaıyp qalǵan jalǵyz ǵana qý aǵash kók aspanǵa til qatypty. Ne jazyp em, ne sumdyq ne zulymdyq etip em?! Bittim mine, tek kók aspan kýám ediń senen ǵana suraımyn. Sorymnyń da kýási, kógergen, gúl atqan shaǵymnyń da kýási sen ediń – keń kók aspan! Sen ǵana bir aıtshy... Men óleıin, biraq san jyldarda seniń jelderiń qýyp áketken gúlderim, dánderimnen urpaq, násil qalar ma?.. Shańda bireý, sanda bir saıda bolsa da, jas japyraǵyn kókke sozyp, gúl jemisin jer júzine berer me?! Álde bir - bir ólkede, taǵy bir zamandarda sol gúlderdiń bir tobynan saıaly toǵaı, máýeli baq óser me!.. Butaqtarynda óngen - óskendi madaqtap qumyr bulbul saırar ma! Saıasynda jas ómir, jańa dáýren mekender me?!
Atasynan kemeńger bop jaratylyp, anasynan dana bop, eline pana bop, óz zamanynan oıy ozyq týǵan ǵulama; halqynyń muńshysy, uly aqyny; qazaq úshin dertti bolǵan, sol dertinen aıyǵa almaı ketken, jan jarasy jazylmaı ketken, keýdesi qaıǵy men qasiretke toly qazaq tarıhyndaǵy eń iri dara tulǵa; óz ultyn órkendegen ónegeli eldiń qatarynda kórýdi kóksegen oıshyl.
... Saıyn murat somdanyp saılan, dosym,
Aqyn bolsań – aıbynyń, aılań bolsyn.
Biraq, «Myńmen alysqan...» Abaıdy, endi,
Qunanbaısyz qazaǵym qaıdan kórsin.
Abaıdyń dúnıege kelý týrasynda el aýzynan jetken kóne áńgimelerdiń biri – Abaı dúnıege keler aldynda Qunanbaıdyń tús kórýi. Qunanbaıdyń túsine 18 - ǵasyrda ómir súrgen Tobyqty rýynan shyqqan qazaqtyń kemeńger bıi Ánet baba kirip, «Ibrahım» paıǵambardyń atyn ataıdy. Osy tústen kóp uzamaı, Qunanbaıdyń ámeńgerlikpen alǵan jary Uljannyń dúnıege ul ákelgendigi týraly habar keledi.
Sahnada kórinis qoıylady
Qatysýshylar:
10 - synyp oqýshylary
(Sahna jarty kıiz úımen bezendirilgen. Túlki ishek, júk aıaq, sapty aıaq, t. b.)
Bir top áıel besik jyryn aıtyp otyr.
«Besik jyry» aıtylady.
- Aman - esensizder me?
- Amansyń ba?
- Oı, aınalaıyn, bárekeldi!
- Balanyń baýy berik, ǵumyry uzaq bolsyn!
- Áýmın, aıtqanyń kelsin, aınalaıyn!
- Sizderge Qunekeń qamdansyn dep sálem aıtty. Búgin molda shaqyryp,
azan aıttyryp, nárestege «Ibrahım» degen at bermekshi.
- Bárekeldi!
- Olaı bolsa, qamdanaıyq!
- Jón - josyǵyn jasaıyq!
- Turyńdar!
1. Án «Anadan alǵash týǵanda»
Oryndaýshylar: 9 «E» synyp oqýshysy –
8 «E» synyp oqýshysy –
1 - júrgizýshi:
Assalaýmaǵaleıkým, ulysyn ulyqtap, arysyn ardaqtap, tarıhy men
taǵylymyn egiz etken armany órge, qıaly kókke jetelegen Máńgilik eldiń ulandary!
2 - júrgizýshi:
Armysyzdar, qazaqylyǵynyń qaımaǵy buzylmaǵan, shuǵylasyn shashyp turǵan shyraıly Shymkent shaharynyń tórinen oryn alǵan mektebimizdiń qonaqtary men ustazdary!
2 – júrgizýshi: Saq dáýirinen bastaý alǵan Máńgilik tilimizdiń mártebe alǵan kúnine oraı ótkiziletin Hakim Abaıdyń 170 jyldyq mereı toıyna arnalǵan merekeli is - sharamyzǵa
1, 2 – júrgizýshi qosh kelipsizder!
1 - júrgizýshi: Tonykók babamyz: túnde – uıqy kórmedim, kúndiz – kúlki kórmedim; qyzyl qanym tógildi, qara terim sógildi; kúshimdi sarqa jumsadym, jaýǵa da shaptym qursanyp – bári máńgi elim úshin!» - degen eken.
2 - júrgizýshi: Iá, bul kesheginiń urany, búginniń armany, keleshektiń enshisi.