InfoHub Logo

Sabaqtyń taqyryby: Mańǵystaý – óner ólkesi
Ótkizilý ádisi: 7 - 8 synyptar arasyndaǵy saıys.
Maqsaty: Oqýshylardy óz elin, jerin qadirleýge, týǵan jer tarıhyn, ádebıetin, mádenıetin tereń uǵynýǵa tárbıeleý.
Kórnekiligi: Ár synyp gazet shyǵarý, býkletter daıyndaý, áshekeı buıymdar, ulttyq kıimder kórmesin daıyndaý.

Saıystyń júrisi:
İ júrgizýshi: Qurmetti ustazdar men oqýshylar!
«Mańǵystaý óner ólkesi» atty saıysymyzdy bastaımyz. 7 - 8 synyptar arasynan 3 top shyǵady.
Ár topta 6 oqýshy.
1 top – Murager
2 top - Dastan
3 top – Suńqar
«Adaı» kúıi sahnada oınap turady.
Óleń «Jalǵyzym» S. Nazarbekuly. Oryndaıtyn Aqberdıeva Ásel.

Úsh túbegim, Mańǵystaýym – jalǵyzym,
Meni terbep júredi ylǵı jalǵyz ún.
Seniń úniń – meniń únim, týǵan jer,
Tek ózińmen jaman, jaqsy hal bizdiń.

Myń qoraly, myń shyńyraý, myń joldy,
Áýlıeler, pir de, sende eń sońǵy
Abyl jyrlap, Esir atam kúı shertse,
El qorǵany Dosan batyr oq jondy.

Ómir degen ǵıbratty dala bar,
Uǵyp alshy, bir sóz aıtam, balalar
Jalǵyz jol bar adastyrmas adamdy
Ata joly, salyp ketken babalar.

Bul túbekti shól deıtinder kúpir me?
San shyńyraý qazǵan atań, shúkir de,
Atamzaman keýip qalǵan qudyqqa,
Ata rýhyn aramdama, túkirme.

İİ júrgizýshi: Jaǵynam dep basqalarǵa, ulyqqa,
Shen - shekpenge, baq - dáýletke qunyqpa,
Mańǵystaýda áýlıe kóp, bári de,
Jelep – jebep jatatynyn umytpa.

İ júrgizýshi: Ádil qazylar alqasymen tanystyrý:
-------------------------------------------
İİ júrgizýshi: Saıys sharty:
1. Mańǵystaý oıynda 360 áýlıe tarıhı - mádenı
eskertkishteri týraly referat qorǵaý.
2. Saırap ótken bulbuldar. Jergilikti jerdiń
kompozıtor shyǵarmashylyǵynan óleń aıtý.
3. Aqtaýym – óz mekenim.
Oqýshylar óz shyǵarmashylyǵynan óleń oqý.
1. Mańǵystaý kúı óneri.
2. Sýret kórmesi (býklet jasaý)
(Úıge berilgen tapsyrma. Mańǵystaý halqynyń salt – dástúrleri, qorǵaý. )

3. Suraq – jaýap.
İ júrgizýshi: Tabynǵan tabıǵatqa, adamzatqa,
Ol kezdik adam basqa, qadam basqa,
Atalar úsh júz alpys áýlıeden,
Kimderdi úlgi tutty zamandasqa?
Oqýshylar Mańǵystaý oıyndaǵy 360 áýlıege sıpattama berip, ózderi daıyndaǵan referattaryn qorǵaıdy.

İİ júrgizýshi: Jan azyǵym – atamnyń muralary,
Ádet – ǵurpy, kúı jyry, qyran áni...
Rýh kúshi solardyń qolynda tek,
Qandaı tirlik azyqsyz tura alady?!
İ. Kelesi kezekti ánderge beremiz.
İİ. Mań dala, máńgi jasa Mańǵystaýym!
Sen búgin araılanǵan tańǵa uqsaısyń,
Bar balań saǵan arnap, jyr jazady
Jetkizip júrek únin, jan qushtaryn.

İ júrgizýshi: Kezekti bolashaq aqyndarǵa beremiz.

İİ júrgizýshi: Jan azyǵy – án kúıi qaǵazymnyń
Jıyntyǵy sekildi taza muńnyń
Áni qalqyp jatpasa, kúıi shalqyp,
Eń aýyry men tartar azabymnyń.
Mańǵystaý kúıshileriniń kúıi.

İ júrgizýshi: Úıge berilgen tapsyrma «Mańǵystaý halqynyń salt – dástúrleri» boıynsha oqýshylar daıyndaǵan býkletti qorǵaý. Bul jerde oqýshylarǵa Mańǵystaý tarıhyna, ádet – ǵurpyna, salt – dástúrlerine baılanysty ár túrli suraqtar qoıylady.
Sońynan ádil qazylar alqasyna sóz beriledi. Saıysty «Ushady Mańǵystaýdan shaǵalalar» ánimen aıaqtaý.