Photo: Aleksandar Andreev (https://www.pexels.com/@andreevaleksandar) / Pexels
Mango negizin qalaǵan Isak Andıktiń uly ákesin óltirdi degen kúdikpen qamaýǵa alyndy
Ispanıanyń Katalonıa polısıasy tanymal Mango sán ımperıasynyń negizin qalaǵan Isak Andıktiń uly, 45 jastaǵy Djonatan Andıkti ákesin óltirdi degen kúdikpen qamaýǵa aldy. Bul týraly Eýropadaǵy Kazinform agenttiginiń menshikti tilshisi habarlady.
Mango kompanıasynyń dırektorlar keńesiniń vıse-prezıdenti Djonatan Andık keshe tańerteń Barselonadaǵy úıinde ustalyp, dereý tergeý sotyna jetkizildi.
Ákesiniń ólimi: Bastapqyda jazataıym oqıǵa bolǵan
Mango brendiniń negizin qalaǵan Isak Andık 2024 jyldyń 14 jeltoqsanynda 71 jasynda qaıtys boldy. Ol Montserrat taýlarynda jaıaý serýendep júrgende shamamen 100 metr bıiktikten qulap ketkeni aıtylady. Sol kezde uly Djonatan Andık jalǵyz kýáger bolǵan.
Bastapqyda bul oqıǵa jazataıym jazataıym oqıǵa retinde tirkelip, 2025 jyldyń basynda is jabylyp qalǵan. Alaıda, 2025 jyldyń qazan aıynda Djonatannyń kórsetpelerindegi sáıkessizdikter anyqtalǵan soń, tergeý qaıta bastaldy. Polısıa Djonatannyń uıaly telefonyn tárkinip, basqa da dálelderdi zerttedi.
Djonatan Andık kinásin joqqa shyǵarýda
Degenmen, Djonatan Andık ákesiniń ólimine qatysy bar ekenin árqashan joqqa shyǵaryp, bul tragedıalyq jazataıym oqıǵa bolǵanyn aıtyp keldi. Andıkter otbasy da uldarynyń kinásiz ekenin málimdep, tergeýge yntymaqtastyqqa daıyn ekenin bildirdi.
Mango – álemge tanymal brend
Túrkıada týǵan Isak Andık 1984 jyly Katalonıada Mango kompanıasyn qurdy. Búginde bul jeli álem boıynsha shamamen 2900 dúkenge ıe. 2024 jylǵy qarjy jylynyń qorytyndysy boıynsha satylym 3,3 mıllıard eýrodan asyp, rekordtyq kórsetkishke jetti. Forbes nusqasy boıynsha, Isak Andık Ispanıanyń eń baı bes adamynyń qataryna kirgen.
-
A brown bear's determined attempt to enter a hotel in Kazakhstan's Zhongar-Alatau National Park was captured on video, highlighting wildlife encounters in the region.
-
Jonathan Andic, vice-president of Mango, is under investigation for the death of his father, founder Isak Andic, after initial findings of a tragic accident were questioned.
