Mańǵystaýda er adam toı ústinde synyptasymen janjaldasyp,ony óltirip aldy
Mańǵystaý oblysynda adam shoshyrlyq jaǵdaı boldy. 10 mamyr kúni Munaıly aýdanynda toıdan keıingi basqosý kisi ólimimen aıaqtaldy. Synyptasynyń qyzyn uzatqan Jandos Ótemuratov toıdan keıin dostarymen birge kúdiktiniń úıine barǵan. Biraq otyrys kezinde burynǵy janjal qaıta tutanyp, Jandos pen úı ıesiniń arasynda tóbeles bastalady.
Urys aýlaǵa shyǵyp, Jandos esinen tanyp qulaıdy. Biraq ony kórgender kómek shaqyrýdyń ornyna, betin jýyp, aýladaǵy qudyqtyń ústine jatqyzyp, otyrysty ári qaraı jalǵastyra beredi. Birneshe saǵattan keıin ǵana úı ıesi Jandostyń jansyz jatqanyn baıqaıdy, alaıda jedel járdem men polısıa shaqyrýdyń ornyna, marqumnyń denesin áıeli men balalarynyń kómegimen kólikke salyp, týysynyń úıine aparǵan.
Tek sol jerde shaqyrylǵan dárigerler Jandos Ótemuratovtyń qaza tapqanyn tirkeıdi. Bir aıǵa sozylǵan tergeýden soń úı ıesine Qylmystyq kodekstiń 106-baby – «Aýyr dene jaraqatyn salý, ólimge ákelý» boıynsha aıyp taǵyldy. İs qazir prokýratýrada.
Bul jaǵdaı qoǵamda rezonans týdyryp otyr – jedel kómek kórsetilse, adam aman qalar ma edi degen suraq kóp.
You Might Also Like
-
Tramp: AQSH-tyń Qorǵanys mınıstrligin ýaqytsha «Soǵys mınıstrligi» dep ataý kerek!– dep habarlaıdy Infohub.kz.
-
Tramp: «Pýtın Ýkraınadaǵy soǵysty toqtatqysy keledi»– dep málimdedi AQSH-tyń burynǵy prezıdenti óziniń suhbaty barysynda.
