InfoHub Logo

Ánshi Merýert Túsipbaeva áleýmettik jelide Baıan Alagózova týraly aıtqan pikirine baılanysty málimdeme jasady. Bul jazba ınternette keńinen taraǵan eski vıdeosynan keıin jarıalanyp otyr. Vıdeoda Túsipbaeva prodúser Baıan Alagózovany «qoıan» dep ataǵan bolatyn.

Ánshiniń aıtýynsha, vıdeo 5-6 jyl burynǵy suhbattan alynǵan. Ol kezde Baıan Alagózova memlekettik qarjyǵa túsirilgen tarıhı serıal ázirlegen, alaıda ol týyndy Ulttyq arnadan prokattan alynǵan. Osyǵan baılanysty Túsipbaeva áleýmettik jelide Alagózovany synap, serıal jaramsyz bolsa, memleket aqshasy qaıtarylýy kerek degen pikir bildirgen.

 «Tuńǵyshbaı aǵamyz túsire almaǵan fılmi úshin memleketke qarjyny qaıtardy. Sol ádilettilik barlyq prodúserge ortaq bolýy tıis», – dep jazdy ol.

Merýert Túsipbaevanyń aıtýynsha, ol syn pikirinen keıin Baıan Alagózova jeke tulǵasyna tıisip, "ol kim?", "qandaı áni bar?" degen syndy aýyr sózder aıtqan.

 «Ol da kezinde meni synaǵan. Endi, mádenıetti keıip tanytyp, únsiz otyr. Biraq meniń jaýabym – sol kezdiń jalǵasy. “Qandaı sálem – sondaı jaýap” degen sóz bar. Sondyqtan “qoıan” degen sózim – kezdeısoq aıtylǵan emes», – dedi ánshi.

Túsipbaeva qazirgi kezde ózine qarsy aqparattyq shabýyl júrip jatqanyn da atap ótti. Onyń sózinshe, vıdeo qasaqana qaıta taralyp, jurtty shatastyrý maqsatynda montajdalǵan.

 «Eski vıdeony bir apam salǵyzyp otyr. Qazir adamdar birinshi ret kórgendeı qarap, “Baıanǵa nege tıisip jatyr?” dep jatyr. Nege ekenin bilip júrińizder», – dep jazdy ánshi.

Baıan Alagózova 2016 jyly epıkalyq tarıhı serıal túsirip, ony “Qozy Kórpesh – Baıan Sulý” dep ataǵan bolatyn. Bul joba synǵa ushyrap, teleradıokorporasıanyń efırinen alynǵan edi.

Merýert Túsipbaevanyń aıtýynsha, onyń syn-pikiri aqsha men ádilettilikke qatysty bolǵan. Al «qoıan» sózi – burynǵy keleńsiz qarym-qatynastyń saldary.