InfoHub Logo

Mańǵystaý oblysyndaǵy turǵyn úı qorynyń jaı-kúıi týraly qyzyqty derekter jarıalandy. Qazaqstannyń Ulttyq statısıka búrosy taratqan málimetterge súıensek, óńirdegi turǵyn úılerdiń basym bóligi XXI ǵasyrdyń basynda salynǵan.

Bul týraly Infohub.kz aqparat agenttigi habarlaıdy.

Turǵyn úı qorynyń jalpy kólemi

Statısıkaǵa sáıkes, Mańǵystaý oblysyndaǵy turǵyn úı qorynyń jalpy aýdany 19 408,9 myń sharshy metrdi quraıdy. Bul kórsetkish qala men aýyldyq jerlerde shamamen teńdeı úlestirilgen.

Úılerdiń sany men ornalasýy

Oblysta barlyǵy 80 005 turǵyn úı bar. Onyń tek 7 974-i qala aýmaǵynda ornalasqan. Bul sannyń 6 198-i – jeke turǵyn úıler (JTÚ), 1 776-y kóppáterli turǵyn úıler (KpTÚ). Al basym kópshiligi, ıaǵnı 72 031 úı aýyldyq jerlerde shoǵyrlanǵan. Onyń ishinde 69 167-si JTÚ, 2 864-i KpTÚ.

Qorytyndylaı kelgende, Mańǵystaýda 75 365 jeke turǵyn úı jáne 4 640 kóppáterli turǵyn úı bar.

Qurylys qarqyny

Shevchenko (Aqtaý) qalasynyń irgesi qalanǵan 1960-shy jyldardyń basynan bastap kóppáterli turǵyn úılerdiń qurylysy belsendi júrgizildi. Alaıda, kóppáterli jáne jeke úılerdiń qurylysy qarqyn alǵan negizgi kezeńder 2010 jyldan keıingi ýaqytqa tıesili.

Statısıkalyq derekterge qaraǵanda, 1970 jylǵa deıin oblysta 1 813 úı paıdalanýǵa berilse, 2011–2015 jyldary – 20 820 úı, 2016–2020 jyldary – 19 302 úı, 2021–2025 jyldary – 5 468 úı, 2011–2005 jyldary – 7 208 úı, 1996–2000 jyldary – 2 290 úı salynǵan. 1971-1995 jyldar aralyǵyndaǵy úılerdiń sany azdaý.

Qurylys materıaldary

Mańǵystaý oblysynda aǵashtan salynǵan turǵyn úılerdiń sany óte az. Barlyq 80 005 úıdiń negizgi qurylys materıaly – kirpish jáne tas (77 423 úı). Sonymen qatar, oblysta 106 iri paneldi, 81 iri bloktardan salynǵan, 311 temirbetondy, 1 300 rakýshechnık (qabyrshaq tas) jáne 834 basqa da qabyrǵa materıaldarynan turǵyzylǵan úıler bar.

Páterlerdiń sany men bólmeler

Mańǵystaýda barlyǵy 210 964 páter bar. Onyń basym bóligi eki bólmeli páterler – 64 485. Úsh bólmeli páter – 49 557, bir bólmeli – 33 461, tórt bólmeli – 33 005, bes bólmeli – 19 357, al alty jáne odan da kóp bólmeli páterler 11 099-dy quraıdy.

Jeke úılerdegi bólmeler

Óz úıin salǵan kezde mańǵystaýlyqtar kóbinese tórt bólmeli (21 373), bes bólmeli (16 530) jáne úsh bólmeli (12 256) úılerdi tańdaıdy. Alty jáne odan da kóp bólmeli úıler JTÚ arasynda 10 266 nysandy quraıdy. Eki bólmeli úıler – 9 355, tipti bir bólmeli úıler de kezdesedi – 5 315.