InfoHub Logo

Atyraý oblysyndaǵy qaıǵyly oqıǵaǵa qatysty jańa málimetter paıda boldy. Marqum Maqsot Qarabalınniń inisi Shalqar Muqanǵalıev chatqa jiberilgen aýdıolar týraly aıtty.

Bul týraly Infohub.kz aqparat agenttigi habarlaıdy.

Jańa derekter

Jýrnalıs Janat Moldashova marqumnyń inisimen sóılesip, chatqa jiberilgen aýdıo týraly kúmán kúsheıgenin jetkizdi. Jangeldın aýylynyń turǵyndary úreı qushaǵynda otyr, al qazaly otbasynyń jaqyndary kúdikti dep tanylǵan adamdy tezirek quryqtaýdy talap etýde.

Shalqar Muqanǵalıevtiń aıtýynsha, Násip jeńgesiniń týystar chatyna jibergen aýdıohabarlamalary kúdik týdyrǵan. «Násip jeńgemizdiń aǵaıyn-týystarynyń chattaryna jibergen aýdıosy bar. Sol aýdıo habarlamalarynyń birin 7 qarasha kúni jibergen. Qazirgi tańda telefonnyń bári Sultanda boldy dep tur ǵoı. Sol Sultan jiberip turǵan shyǵar dep oılap turmyz», – deıdi ol.

Týystarynyń aıtýynsha, aýdıonyń dál sol kúni jiberilýi «kóz boıaý» bolýy múmkin degen kúmándi kúsheıtken. Degenmen bul – jaqyndarynyń boljamy ekenin de eskergen jón: ázirge resmı organdar tarapynan chattaǵy aýdıoǵa qatysty naqty túsinikteme berilgen joq.