InfoHub Logo

Atyraý oblysy Qyzylqoǵa aýdanyna qarasty Jangeldın aýylynda bir otbasynyń músheleri joǵalyp ketýi eldi dúrliktirdi. Maqsot Qarabalın men onyń áıeli Násip Baqytqyzynyń denesi 7 qańtar kúni tabyldy. Al olardyń balalary Meıramgúl, Aqbaıan jáne uly Naýryzdyń taǵdyry belgisiz. Belgili telejýrnalıst Gúlmıra Ábiqaı bul jaǵdaıǵa qatysty óz boljamyn aıtty.

Bul týraly Infohub.kz aqparat agenttigi habarlaıdy.

Qyzylqoǵa aýdanyndaǵy qyrǵyn qalaı bastaldy?

Gúlmıra Ábiqaı 2 qańtar kúni tórt adamnyń joǵalǵany týraly olardyń týǵan-týystarynan úsh adam hat jazǵanyn aıtady. Maqsot aǵamyzdyń qaryndasy Ásılá Muqanǵalıevanyń aıtýynsha, Naýryz shildeniń aıaǵynda Aqtaýǵa jumysqa ketken. Sol ýaqyttan beri ol eshkimge kórinbegen, biraq WhatsApp arqyly habarlasyp turǵan.

Joǵalǵan adam sany 4 emes, 6 bolyp shyqty

Gúlmıra Ábiqaı keıin joǵalǵan adamdardyń sany tórt emes, alty bolyp shyqqanda tań qalǵanyn aıtady. Ásılá apaıdyń aıtýynsha, otbasynyń kenje qyzy Aqbaıan men kúıeýi Sultan da joǵalyp ketken.

Sultan qandaı kúıeý bala boldy?

Telejýrnalıst elimizdiń batys aımaqtarynan Sırıadaǵy soǵys oshaǵyna ketken azamattar kóp bolǵanyn tilge tıek etti. Sultan Sársemalıevtiń din jolyn ustanatyny belgili bolyp otyr.

Atyraý haker – alaıaq pa, aq-adal jan ba?

Gúlmıra Ábiqaı Atyraýdaǵy qaıǵyly jaǵdaıǵa baılanysty vıdeo túsirgen «Atyraý haker» akkaýntynyń ıesi ózine habarlasqanyn aıtady. Ol ózin shetelde qashyp júrgenin málimdedi.

Telejýrnalısttiń qaýipti boljamy

Qazirgi tańda kópshilikti «Meıramgúl men Naýryz jáne Sultannyń áıeli Aqbaıan aman-esen be?» degen suraq alańdatyp otyr. Gúlmıra Ábiqaı óziniń pesımısik boljamyn aıtty: «Bir adam ǵana tiri qalady, tórt adam tabylmaıdy» dep oılaımyn.