InfoHub Logo

Jazda taza aýada barynsha uzaq júrgiń keledi, saıabaqta demalǵyń keledi, kókke jatyp, jaıqalǵan gúlderdiń hosh ıisine bólengiń keledi. Alaıda tamasha demalysty mazasyz masalar qurtýy múmkin. Bilim-all.kz masalardan qutylý úshin qandaı tabıǵı ıisterdi paıdalaný kerektigin bildiredi.

Vanılın

^{© Dionisvera / shutterstock.com}

Vanılındi balalar kremimen 1:10 proporsıada aralastyryp, deneniń ashyq bólikterine jaǵý kerek. Sonymen qatar vanelındi sýǵa aralastyryp, eritindini teri men kıimniń ashyq jerlerine sepse bolady.

 

Ánis, qalampyr, nasybaıgúldiń efır maılary

^{© Kerdkanno / shutterstock.com}

Qalampyr, nasybaıgúl, ánis, evkalıpt efır maılary masalardy úrkitýge kómektesedi. Ol úshin maılardy deneniń ashyq jerlerine jaǵyp (bir staqan sýǵa 5-10 tamshy) nemese otqa – shaqqa, alaýǵa, hosh ıis shyǵaratyn shamǵa nemese qyzdyrylǵan tabaǵa tamyzyp jiberý kerek. Buǵan qosa maqtany osy maılarǵa batyryp, terezeniń aldyna qoıyp qoısa bolady.

 

Aıý badamnyń butaǵy

^{© LidiaLydia / shutterstock.com}

Aıý badamynyń jas shybyǵyn bólmege qoıyp qoıyńyz – olar qyzanaq japyraǵynyń ıisi sıaqty masalardy úrkitedi. Alaıda abaı bolyńyz, aıý badamynyń ótkir ıisi uıqyńyzǵa kedergi keltirýi múmkin, sondyqtan túnde butaǵyn jatyn bólmeden shyǵaryp tastaý kerek.

 

Qalampyr

^{© Curioso / shutterstock.com}

Bir staqan sýǵa 5 g qalampyr salyp, 15 mınýt qaınatyńyz. Qaınatpanyń 10 tamshysyn 1 úlken qasyq kez kelgen átirmen aralastyryp, deneniń ashyq jerlerine jaǵyńyz. Osylaısha 2 saǵat boıy qydyrýǵa bolady: masalar men shirkeıler sizge jolamaıtyn bolady.

 

Arsha butaqtary

^{© Kaushik Ranjan Haldar / shutterstock.com}

Eger kókke demalýǵa shyqsańyz, alaýǵa arsha butaqtaryn tastaı salyńyz.

 

Balqaraǵaı maıy

^{© Jelena Yukka/ shutterstock.com}

Balqaraǵaı maıynyń ıisi masalardy ǵana emes, shybyndar men taraqandardy da úrkitedi.

 

Jýsan qaınatpasy

^{© Pawle / shutterstock.com}

Jýsan tamyrynyń qaınatpasymen betińizdi jýsańyz, birde bir masa tıispeıdi. Shabylǵan tamyrlardyń bir ýysyna 1,5 l sý quıyp, qaınatý kerek te 20-30 mınýtqa qoıyp qoıý kerek.

 

Túımedaq

^{© Irina Burakova / shutterstock.com}

Masalarǵa qarsy ejelgi halyq tásili – parsy, dalmattyq nemese kavkazdyq túımedaq (pıretrým degen de sol). Túımedaqtyń osy túriniń keptirilip, usaqtalǵan gúlshoǵyrlary, sabaqtary men japyraqtary jándikterdiń júıke júıelerine áser etedi. Páter nemese úıdiń buryshtaryna osy gúldiń sabaqtaryn qoıyp qoısa jetkilikti.

 

Bıdaıyq qaınatpasy

^{© bogdan ionescu / shutterstock.com}

Ertede masalar men basqa da qan soratyn jándikterdi úrkitý úshin eń kóp taralǵan aramshóp – bıdaıyq tamyrynyń qaınatpasyn qoldanǵan. Shabylǵan bıdaıyq tamyrynyń bir ýysyna 1,5 l sý quıyp, ashyq sary túske boıalǵansha 3 ret qaınatyńyz. Osy qaınatpamen betińiz ben qolyńyzdy jýyńyz, birde bir masa jolamaıtyn bolady.

 

Nasybaıgúl japyraqtary

^{© Africa Studio / shutterstock.com}

Usaqtap týralǵan jas moıyl nemese nasybaıgúl japyraqtaryn qoldanýǵa bolady – bólmege qoıyp qoıýǵa nemese deneniń ashyq jerlerine jaǵýǵa bolady.

---