InfoHub Logo

"Halyq pen halyqty, adam men adamdy teńestiretin nárse - bilim"
(Muhtar Áýezov)

Taqyryby: «Matematıka oıyn áleminde» (6 synyptar arasynda matematıkalyq saıys)

Maqsaty: Bilimdilik: Oqýshylardyń oılaý qabiletin, oı ushqyrlyǵyn, oqýǵa yntasyn arttyrý;
Damytýshylyq: uıymdastyrýshylyq qabiletin damytý;
Tárbıelik: Oqýshylardy uıymshyldyqqa, naqty pánge qyzyǵýshylyqqa, jaýapkershilikke, ózin - ózi tárbıeleýge tárbıeleý;
Kórnekiligi: bezendirilgen zal, naqyl sózder, kartochkalyq tapsyrmalar, logıkalyq esepter, ár topqa daıarlanǵan ústel.
Túri: topqa saıys saǵaty
Tıpi: oıyn túrinde

Jospary:
1. Matematıkalyq estafeta
2. Jumbaqtar
3. Shyrpymen oıyn
4. Asosıasıa
5. “Sıqyrly dóńgelek”
6. Kóńildi sanaý
7. Qorytyndy

Qaıyrly kún qadirli kórermender! Barshańyzǵa «Matematıka oıyn áleminde» atty matematıkalyq saıysyna qosh keldińizder! (Búgingi oıyn toptyq saıys túrinde ótedi.)
Naqty bilim, tereń oı synalady.
Baǵa berer ádilqazy ortamyzda
Sizderge qurmetpenen qol soǵylady.
Bireýiniń júreginiń túgi bar
Bireýiniń arqalap júrgen qoǵamdyq júgi bar.
Bireýiniń kúmbirlegen kúıi bar
Endi bireýiniń qatty isteıtin mıy bar
Ár komandany ortaǵa shaqyramyz.
6«A», 6 «B» synyptarynyń qyzdaryn_________________________
6 «A», 6 «B» synyptarynyń uldaryn__________________________
Bileımin dep qysylma,
Talabyń bolsa boıyńda.
Ónerliniń yrysy,
Jarqyrap jatyr jolynda.
Matematıka syrlary,
Qyzyqtyrdy bizderdi.
Oıynǵa birge qatysýǵa
Shaqyramyz sizderdi,
- deı otyryp saıyskerlerimizdiń bilim men ónerine baǵa beretin ádilqazylar alqasyn ortaǵa shaqyramyz.
(Ádilqazy alqasynda ádistemelik birlestiginiń músheleri saılanady). Taqtadan búgingi keshtiń jospary tanystyrylady.
Jospary:
Matematıkalyq estafeta
Jumbaqtar
Shyrpymen oıyn
Asosıasıa
“Sıqyrly dóńgelek”
Kóńildi sanaý
Qorytyndy

Júrgizýshi:
Myqty bolsań – aldaǵyny basyp oz,
Myqty bolsań – arttaǵyny jetkizbe!
Myqty bolsań – taıǵanama kók muzda!
Myqty bolsań – bógetterdi buzyp ót, - dep kelesi saıysymyz «Matematıkalyq estafeta» saıysyna kezek beremiz. (Ár toptyń músheleri ýaqytty únemdeı otyryp, birinen soń biri esepti tez shyǵarý kerek. Ár durys shyǵarylǵan esepke 5 upaı beriledi)
1 - top
295+457 - 705=47
84*125*8=84000
524*5=2620
35, 76 - 5, 76=30
125, 67 - 134, 33=- 8, 66
69*27 - 31*27=1026
13/8=h/12, h=19, 5
h/8, 4=17/12, h=11, 9

2 - top
221+427+373=1021
25*4*86=8600
672*5=3360
7, 98+4, 38=12, 36
96, 4+24, 6=121
136*45+64, 45=6184, 45
5, 6/8, 48=10, 5/h, h=15, 9
28, 8/h=18/5, h=8

Ádilqazy alqasynan İİ – saıystyń qorytyndysyn suraımyz.
Júrgizýshi:
Aıyra bil jaqsy menen jamandy
Aıyra bil, qaryndash pen qalamdy.
Aıyra bil, soqpaǵyn da ómirdiń,
Aıyra bil tapsyrmańdy aldaǵy – dep kezekti «Jumbaqtar» saıysyna beremiz: (Ár durys tapqan jaýapqa 5 upaıdan beriledi)

1 - jumbaq:
«Torǵaı nesheý?»
Taldan ushty kóp torǵaı,
Emes biraq kóp torǵaı.
Aldynda onyń bastaýshy,
Artynda onyń qostaýshy.
Jáne taǵy qarasaq,
Qaıta ony sanasaq,
Sońynda bireý qap keldi,
Aldynda tórteý, top keldi,
Úsheýi qatar jarysqan,
Túzilip úsheý qalyspan.
Oıyń júırik bolsa eger,
Torǵaı nesheý, esepker
(Bes torǵaı)
2 - jumbaq:
Kólden ushty 50 qaz,
Qaıtyp qondy 20 qaz
Qonbady onyń nesheýi,
Qane kim tez sheshedi? (30 qaz)

3 - jumbaq:
6 alamanyń 2 - in
Dosyń surap alady.
Aıtshy sonda nesheýi
Óz qolyńda qalady. (4)

4 - jumbaq:
Aýlada 60 úırek,
Qorada 20 úırek,
10 úırek tyǵyldy
10 úırek jyǵyldy,
Qalǵany neshe úırek? (70 úırek)

5 - jumbaq:
11 túıe, bes jylqy.
2 sıyr, bir eshki
2 qoıan, úsh túlki,
Neshe boldy barlyǵy? (24)

6 - jumbaq:
Qolymda 55 alma
5 - in berdim apama,
5 - in berdim atama,
Nesheýi qaldy ózimde? (45 alma)
Shyrpymen oıyn. Toptar qarsy topqa tapsyrma beredi. Durys jaýap: 10 upaı.
Kelesi kezeń: «Asosıasıa». Júrgizýshi arnaıy ústelge top kapıtandaryn shaqyryp, «Kompúter» sóziniń asosıasıasyn jazýdy usynady. Kapıtan (top músheleri onyń ne jazyp jatqanyn bilmeıdi) 1 mınýt ishinde birneshe asosıasıany jazýy kerek. Júrgizýshi top músheliniń árbirinen «Kompúter» sóziniń asosıasıasyn suraıdy. Eger kapıtan jazǵan sózge sáıkes kelse, onda asıstent ol sózdiń astyń syzyp otyrady. Top músheleriniń jaýaptarynan keıin nátıjeni kórsetedi. Árbir syzylǵan sózge 5 upaı beriledi.
Júrgizýshi:
Oılanaıyq azyraq, ýaqytyńdy únemdep,
Kim shyǵady kánekı, jaýabyn men bilem dep – kelesi saıys kezegi «Sıqyrly kvadrat»
Kórsetilgen fıgýranyń árbir dóńgelekshesine 1 - den 9 - ǵa deıingi sandardy qoıǵanda ár túzýdiń boıyndaǵy úsh sannyń qosyndysy 15 - ke teń bolýy kerek.

Júrgizýshi: Matematıka
Sonaý - sonaý alysqa, júzsin deseń kemeler,
Tylsym - syrly ǵaryshqa, ushsyn deseń deneler,
Jasaý úshin báriń de
Matematıka - Eń mańyzdy ǵylym bul,
Sondyqtan da, sondyqtan da sol ǵylymnyń tilin bil dep otyryp - kelesi kezeń «Kóńildi sanaý» saıysy.
Kestedegi sandardy tez sanaýǵa oqýshylardy shyǵarady. Oqýshynyń kestedegi sandardy retimen kórsetip, olardy taýyp, atap shyǵý ýaqytyn eseptep otyrady. Eń az ýaqyt ishinde sandardy atap shyqqan oqýshy jeńis ıesi bolady.

(Ádilqazy alqasynan jalpy saıystyń qorytyndysy suralady) Mýzykalyq sálem.
Osymen, oqýshylar «Matematıka oıyn áleminde» atty saıys saǵatyn aıaqtaı otyryp. Elbasymyzdyń joldaýyna ún qosa otyryp, tabıǵatymyzdy qorǵaı bileıik, onyń gúldenip kórkeıýine úlesimizdi qosa júreıik degim keledi. Jeńimpaz topty anyqtap «Jas matematık»nomınasıasyn berip, upaıdy az jınaǵan top belsendi qatysqany úshin «Alǵys hatpen» madaqtap marapattalady.