InfoHub Logo

Qazaqstandaǵy bilim berýdi damytýdyń 2011 - 2012 jyldarǵa arnalǵan memlekettik baǵdarlamasy jobasynda Qazaqstanda oqıtyndardy sapaly bilimmen qamtamasyz etip, bilim kórsetkishiniń jaqsarýy men bilim berý júıesiniń tartymdylyǵyn arttyrý úshin eń aldymen muǵalimderdiń mártebesin arttyrý, búkil qyzmeti boıyna mansaptyń ósýi, oqytylýy jáne kásibı biliktiligin damytýdy qamtamasyz etý, muǵalimderdiń eńbegin memlekettik qoldaý men yntalandyrýdy arttyrý máselelerine úlken mán berilgen. Osyǵan baılanysty qazirgi kezde bilim berý júıesindegi reformalar men syndarly saıasattar, ózgerister men jańalyqtar árbir pedagog qaýymnyń oılaýyna, keleshegi jaıly tolǵanýyna, jańa oılarmen, jańa júıelermen jumys jasaýyna negiz bolady. Olaı bolsa, bilimniń sapaly da sanaly túrde berilýi bilim berý júıesindegi pedagogtardyń deńgeıine baılanysty.

Kásibı bilim berýdiń maqsaty - álemdik bilim keńistigine ene otyryp, básekege qabiletti tulǵa daıyndaý úshin adamnyń quzyrlylyq qabiletine súıený arqyly nátıjege baǵyttalǵan bilim berý. Quzyrlylyqtyń latyn tilinen aýdarmasy «sompetens» belgili sala boıynsha jan - jaqty habardar, bilgir degen maǵynany qamtı otyryp, qandaı da bir suraqtar tóńireginde bedeldi túrde sheshim shyǵara alady degendi bildiredi.

Qazaqstan Respýblıkasynyń 12 jyldyq bilim berý tujyrymdamasynda muǵalim mamandardyń kásibı - tulǵalyq quzyrlyǵyn qalyptastyrý basty maqsat ekendigin ataı kele, 12 jyldyq bilim berýde muǵalimderdiń tómendegideı quzirettilikterdi ıgerýi mindetti dep kórsetilgen.
1. Arnaıy quzirettilik - óziniń kásibı damýyn jobalaı biletin qabileti.
2. Áleýmettik quzirettilik – kásiptik qyzmetimen aınalysý qabileti.
3. Bilim berý quzirettiligi – pedagogıkalyq jáne áleýmettik psıhologıanyń negizderin qoldana bilý qabileti.

Atalǵan quzirettilik qasıetterdi tulǵa boıyna darytýda pedagog qaýymnyń arnaıy áleýmettik bilim berý quzirettilikteriniń jan - jaqty bolýy talap etiledi. Eger muǵalim óziniń kásibı ósý jobasyn durys jolǵa qoıyp, óziniń kásiptik qyzmetine naqty berilýi arqyly tulǵanyń alǵan bilimin ómirde qoldana biletindeı tapsyrmalar júıesin usyna alatyn jaǵdaıda bolǵanda ǵana oqýshy quzyrlyǵyn qalyptastyrýǵa múmkindik tabady. Tulǵaǵa baǵyttalǵan bilimder júıesi bilim standartyna saı tulǵanyń jan - jaqty damýyna negizdelgen, alǵan bilimin ómirdiń qandaı bir jaǵdaıattarynda qoldana alatyndaı dárejede usyný muǵalimniń quzirettiligine baılanysty bolady.