InfoHub Logo

«Matematıkalyq – kásipker» oıynyń maqsattary:
1. İskerlik pen daǵdyǵa úırete otyryp, qoǵamyzdyń ekonomıkalyq zańdylyqtary týraly túsinigin qalyptastyrý, ekonomıkalyq bilim berý.
2. Logıkalyq oılaýǵa jáne «kapıtaldy» óz bilimderine jumsaı bilýine úıretý.
3. Oıyn barysynda («kapıtal», «qun», «qarjy», «bank», «bankrot») ekonomıkalyq uǵymdarmen tanysa otyryp, ekonomıkaǵa baılanysty oılaý áreketin jáne jınaqtylyqqa, adamgershilik pen áleýmettik qasıetterin qalyptastyrý.
1. Kirispe bólim.
A. Bank jáne onyń qyzmeti.
Á. Bankrot uǵymdaryna túsinik berý.
B. Kásipkerlik týraly oı qozǵaý.
V. Oqýshynyń izdenis jumysy.
2. Negizgi bólim.
Ár bank qyzmetkerlerin ortaǵa shaqyramyz. Oıynymyzdyń ótilý tártibimen tanystyramyz.
1. Oıynǵa eki top qatysady, ár top bank basqarmasy bolyp tabylady.
2. Banktiń prezıdenti, ataýy bolady.
3. Ár topqa oıyn barysynda tapsyrmalar beriledi. Ár tapsyrmanyń qıyndyǵyna baılanysty quny bar.
4. Ár banktyń basty kapıtaly 500000 myń teńge bolady.
5. Durys jaýap bergen toptyń bank esep shotyna tapsyrmanyń qundylyǵyna sáıkes qarjy túsip otyrady.
6. Top durys jaýap bermegen jaǵdaıda tapsyrmanyń qundylyǵyna sáıkes qarjy esep shottan kemıdi.
7. Durys (qosymsha) top jaýap bergen bankteriniń qarjysy sonshaǵa artady.
8. Banktegi qarjynyń ıaǵnı operasıalardyń durys júrgizýine baqylaý toby jumys isteıdi.
1. Úı tapsyrmasy, maqal - mátelder saıysy (tek sandardan qurastyrylǵan)
2 top maqal - mátelder jarystyrady. Ár maqal - máteldiń qundylyǵy 5000 teńge.
2. Logıkalyq esepter.
Ár topqa 2 tapsyrmadan beriledi (2 qyzyl, 1 kók kartochka).

Qyzyl tústi kespe qaǵazdaǵy esepter.
1. Arman, Aıan, Abzal aǵaıynnyń úsheýi ár túrli synypta oqıdy. Abzal Armannan, al Aıan Abzaldan kishi emes. Bul úıdiń úlkeni, ortanshysy, kishisi kim?
(Aıan, Abzal, Arman) eseptiń qundylyǵy 20000 teńge.
2. Ásem, Ardaq, Anar úsheýi matematıka sabaǵynan baqylaý jumysynan qandaı baǵa alǵanyn suraǵanda, muǵalim eshqaısysyń jaman baǵa alǵan joqsyńdar, biraq árqaısyńnyń baǵań ár túrli. Ásemniń baǵasy «3» emes, Anardyń baǵasy «3»- te, «5»- te emes, sonda árkim qandaı baǵa alǵan?
Eseptiń qundylyǵy – 20000 teńge. (Ásem – 5, Anar – 4, Ardaq – 3).

Kók tústi kespe qaǵazdaǵy esepter.
Bes toǵyzdyqty paıdalanyp amaldar qoldanyp 10 sanyn jaz.
9 9 9 9 9 = 10
(9+99/99 = 10, 99/9 - 9/9 = 10). Eseptiń qundylyǵy – 10000 teńge.
3. Jumbaqtar saıysy (sıfrlardan qurastyrylǵan).
Ár jumbaqtyń qundylyǵy - 5000 teńge.
I. 100 múıizi bar
Ústinde kıizi bar. (Kıiz úı)
II. Bir taýdyń eki kúzetshisi,
Eki tyńshysy, otyz eki bórisi bar.
Bul ne? (Bas)
III. Jańylmastan jeteýi,
Kezek qyzmet etedi. (Apta kúnderi)
IV. Bulbuldyń 2 qulaq, 1 basy bar
Saldyrǵan 8 jerden tańbasy bar.
Bulbuldy jolǵa salyp aıdaǵanda,
Salatyn neshe túrli jorǵasy bar. (Dombyra)