InfoHub Logo

Jezqazǵan qalasyndaǵy jalpy bilim beretin
№10 orta mektebiniń tehnologıa pániniń muǵalimi
Nıazbekov Qaırat Abdykarıevıch

Sabaqtyń taqyryby: «Máýeli Báıterek»
Sabaqtyń maqsaty: Oqýshylardyń tanymdyq, iskerlik jáne oılaý qabiletin jetildirý, óz eliniń tarıhyn, sımvoldaryn syılaýǵa, maqtan tutýǵa úıretý, patrıottyq rýhta tárbıeleý. Báıterek maketin (jobasyn) jasatý.
Sabaqtyń kórnekiligi: Synyp bólmesindegi urandar, sýrettemeler, báıterektiń sqemasy (jobasy) qajetti qural - saımandar (jelim, qyl - aralar, tazalaǵyshtar) daıyndamalar t. b.
Sabaqtyń túri: Praktıkalyq sabaq. Syzbaǵa qaraı otyryp, Báıterek maketin qurastyrý.
Sabaqtyń ádistemesi: Praktıkalyq jumystar - teorıamen praktıkanyń baılanysy. Oqýshylardyń jumysyn muǵalim tarapynan baqylaý.

Sabaqtyń barysy:
I. Uıymdastyrý kezeńi: Sálemdesý, oqýshylar ázirligin baqylaý. Taqyryby men sabaq maqsattaryn habarlaý.
II. Jańa materıaldar baıandaý: Qurmetti oqýshylar, jańa sizderge málimdegendeı, búgin sabaqtan tys sabaǵymyzdyń taqyryby elimizdiń, ıaǵnı QR - nyń táýelsizdiginiń 20 jyldyǵy mereıtoıyna arnaıy ótkizilýde.

Búgingi sabaǵymyzdyń taqyryby: «Máýeli Báıterek...»
1991 jyly 16 jeltoqsan aıynda QR - sy memlekettik táýelsizdigi týraly Ata Zańy qabyldandy. Eń basty merekelerimizdiń biri – aldaǵy ýaqytta táýelsizdigimizdiń 20 jyldyǵyn atap ótkizemiz. Qazaqstan TMD elderi arasyndaǵy oń ózgerister boıynsha kóshbasshy memleketi. Halyqaralyq oryndaǵy bedelin aıtýǵa bolady.
Táýelsizdigimizdiń árbir jyly jańasha damyp, kezeń - kezeńimen, kóptegen jańalyqtarǵa, jaqsylyqtarǵa toly tabystarǵa qol jetkizýdemiz. Onyń mysaly kóp. Elbasymyz Qazaqstan Respýblıkasynyń Prezıdenti Nursultan Ábishuly Nazarbaev aıtyp ótkendeı, shynaıy patrıotızm jalań sózben emes, el ıgiligi úshin jasalatyn naqty istermen, jaýapty jumystarmen dáleldenýi tıis degen bolatyn.
Endeshe Táýelsizdigimizdiń 20 jyldyq mereıtoıyna arnap ári aldaǵy kórmege ázirlik retinde, búgin sabaǵymyzda «Báıterek» maketin jasap tartý etip, jaqsy isterimizben qarsy alaıyq.

Suraq: - Sizder Astana qalasynda bolyp, Báıterekti qyzyqtap kórdińizder me? Qalaı eken? Qandaı áser qaldyrdy?
Oqýshylar pikirin tyńdap bolǵan soń, Báıterektiń turǵyzylýy t. b derekter jaıly biletinderińiz bar ma dep taǵy suraqtar qoıamyn.

Derekter: Zýrab Seretelı jobasy Astananyń sımvoly, bıiktigi 200 metrlik oıyq arqa, eń ushar basyna altyn kıimdi jaýyngerdiń beınesin ornatýdy usynǵan.
- Arab mamandary 200 metrlik tóbe turǵyzýdy, eteginde kıiz úı túrindeı alyp qurylys turǵyzýdy usynǵan.
Astana sımvolyna baılanysty eskızderdi qaraǵan saıyn elbasynyń bárine kóńili kónshimeıtin (157).
- Seretelıdiń jobasy 60 mıllıon dollarǵa baǵalansa, óz jobamyz bar bolǵany 5 mıllıon dollarǵa túsken.
Báıterektiń sılýeti men geometrıalyq ólshemderinde erekshe sımvoldyq mán bar.
1. Báıterektiń bıiktigi týra 97 metr, Astanaǵa kóship kelgen jylyna 1997 jylǵa sáıkes keledi.
2. Áınekpen ádistelgen alańy 1, 5 myń sharshy metrge jýyq.
3. Esikke bastaıtyn áshekeıli temir beton saty jer betinen 4, 8 metr joǵary ornalasqan. Salmaǵy 85 tonna japqy materıal Báıterektiń «oqpanyn» ylǵaldan qorǵaıdy. İshinde keń hol bar, eki júrdek lıft, ınjenerlik úı - jaılar t. b tehnıkalyq obektileri ornalasqan.
4. Altyn shar 76, 9 metr bıiktikte ornalasqan. Kúmbezdiń salmaǵy 70 tonna. Altyn shardyń aýdany (ústińgi) 1553 sharshy metr. İshinde: panoramalyq zaly bar. Altyn sharmen ǵımarattyń negizgi kire berisi bir - birimen «aqpan» dep atalatyn salmaǵy 695 tonna metal konstrýksıasymen jalǵastyrylǵan. «Astana - Báıterek» kesheninde kafe, býfetter bar.
«Astana - Báıterek» keshenin jobalaǵan toı jetekshisi: Qazaqstan sáýletshiler odaǵynyń prezıdenti, talantty sáýletshi Aqmyrza Rústembaevqa tikeleı qatysty.

Sáýletshiler: S. Bazarbaev pen J. Aıtbalaev, ınjener - konstrýktor M. Vaınıeteın, ınterer dızaıneri A. Ospanov sıaqty tamasha mamandardyń úlesi barshylyq.
- Astana Sáýletshiler odaǵynyń halyqaralyq qaýymdastyǵy ótkizgen konkýrsta bedeldi halyqaralyq júrı Dostastyq elderi arasyndaǵy 2002 jylǵy eń tańdaýly joba jáne eń tańdaýly qurylys retinde «Astana - Báıterek» monýmentine Granprı úzdik aıyrym belgisin tabystaǵan.
Endeshe Táýelsizdigimizdiń 20 jyldyq mereıtoıyna arnap ári aldaǵy kórmege ázirlik retinde búgin sabaǵymyzda « Báıterek» maketin jasap tartý úshin jaqsy isterimizben qarsy alaıyq.
Praktıkalyq jumys: Aldymen daıyndaǵan materıaldy sqemalyq syzbaǵa qarap aıttyryp, qurastyrýyn tapsyramyn. Qajetti buıymdar ústel ústine ázirlenip qoıylǵan. Jumys barysy kezinde oqýshylarǵa kómek berip túsindiremin.

Qorytyndy: Sabaq aıaqtalǵan soń, «Báıterektiń» jasalýyn qarap, talqylap, bitpese kelesi sabaqta jalǵastyratynymdy aıtamyn. Barlyq oqýshylarǵa rahmet aıta otyryp, jaqsy tilektermen aıaqtaımyn.
Oqýshylarǵa tapsyrma: Astanada bundaı keremet ǵımarattar kóp ekendigin aıta kele, solardyń biri týraly bilip, óz oılaryn qaǵaz betine túsirip kelýin ótinemin.