InfoHub Logo

Mahabbat — ómir ózegi
9 synyp
Maqsaty: oqýshylardyń súıispenshilik, mahabbat týraly túsinikterin keńeıtý.
Mindetteri:
• ómirdiń bar jaqsylyǵynyń negizi mahabbat súıispenshilik ekendigin túsindirý;
• adamdy, Otandy, ómirdi súıe bilý iskerlikterin damytý;
•súıispenshilikti, mahabbatty baǵalaı bilýge tárbıeleý.

Shattyq sheńberi
Oqýshylar jyly sezimge boı aldyryp, jarqyn kóńil kúıge túsý úshin muǵalim meıirimmen shattyq sheńberine shaqyrady. Balalar sheńber quryp ınteraktıvti taqtada jazylǵan óleń joldaryn birlesip oqıdy.
Báriniń bastaýy – Mahabbat!
Janyna nur sepken shapaǵat.
Eńbektiń raqatyn sezdirgen,
Gúlderge qulpyrtyp túr bergen.
Sábıdiń shyraǵyn jandyrǵan,
Bulaǵy - meıirin qandyrǵan.
Shýaǵy jylytqan júrekti,
Jańǵyrtyp aıtamyn qaıtalap,
Báriniń bastaýy – Mahabbat.
Báriniń bastaýy – Mahabbat!
Mahabbat! Men ony aınytpaı bilemin.
Bári de, al tipti jek kórý tilegin -
Ózińmen bir týǵan qandastaı,
Mahabbat nuryna bóledi júregiń.
Kóktem kep: «Ómir súr...» degende,
Terbeldiń Mahabbat - kemeńde.
Kerildiń kók tirep ıyǵyń.
Mahabbat nurynan bastaý ap jóneldiń.
Báriniń bastaýy – Mahabbat!

Oılanaıyq, pikirleseıik
•Mahabbat nelikten qudiretti de qasıetti uǵym?
•«Ǵashyqtyq» jáne «Qushtarlyq» uǵymdarynyń mánin qalaı túsinesiz?
•Ul men qyz arasynda qandaı sezim bolady? Bir kórgennen ǵashyq bolý múmkin be?
•Mahabbattyń syılastyq pen dostyqqa qandaı baılanys bar?
•«Báriniń bastaýy – Mahabbat» degendi qalaı túsinesiz?

Muǵalim ınteraktıvti taqtada kórsetilgen tómendegi pikirlerge toqtalyp ótedi.

Kóptegen adamdar baqytty mahabbatpen birge kóredi. Mahabbat jolynda búkil ómirin, baılyǵyn, mansabyn sarp etkender az emes. Osy jerde qazaqtyń batyrlyq jyrlary men lıro - epostarynyń keıipkerlerin eske túsireıikshi. Qyz Qurtqa úshin Qobylandy, Gúlbarshyn úshin Alpamys, Qyz Jibek úshin Tólegen, Baıan sulý úshin Qozy Kórpesh ómirlerin qıýǵa daıyn edi.

Mahabbat úshin ańyzǵa tatıtyn adamdy tań qyldyratyn áreketterge baratyndar barlyq kezeńderde de, barlyq elderde az bolmaǵan.

Shyn ǵashyq adamdar úshin quıylyp jatqan baılyǵyń da, asyp turǵan mansabyn da qajetsiz bolyp qalýy ábden múmkin. Sondyqtan jas adamdar arasynda bolatyn mahabbat degen asyl sezimge adal jáne ony qadirleı, qasterleı bilý kerek.
Oqýlyqta berilgen İ. Esenberlınniń «Altyn kus» romanynan úzindi oqyp, taldaý usynylady.

Tynyshtyq sáti.
Baıaý mýzyka oınalyp turady.

Muǵalimniń sózi:
- Balalar, denelerińdi túzý ustap, bastaryńdy joǵary kóterip, yńǵaılanyp otyryńdar. Kózderińdi jumsańdar da bolady. Aýany tereń jutyp, erkin tynys alyńdar. Ózderińniń tynys alýlaryńdy baqylap, baqytqa, mahabbat pen tynyshtyqqa toly taza, shıpaly aýanyń tula boılaryńa tolǵanyn sezinińder.
Al endi kózderińdi ashyńdar.

Shyǵarmashylyq jumys
(dápterge oryndalady)
«Mahabbatsyz dúnıe bos...» taqyrybyna zertteý, taldaý jasańyz.
(Interaktıvti taqtada tapsyrmalar jazylyp turady)
1-kezeń. «Mahabbat» uǵymynyń mánin anyqtaý.

2-kezeń Uqsas uǵymdardy irikteý:
• «Mahabbat» uǵymyna sınonım uǵymdardy irikteý.

3-kezeń Qarsy uǵymdardy irikteý:
• «Mahabbat» uǵymyna antonım uǵymdardy irikteý.

4-kezeń. Uǵymnyń adam ómirindegi mánin anyqtaý úshin suraqtar:
• Mahabbattyń qundylyǵy nede?
• Onyń ǵashyqtyq, súıispenshilik, qushtarlyq uǵymdarymen qandaı baılanysy bar?
• Adamǵa mahabbat qanshalyqty qajet?
• Adamda mahabbat sezimi bolmasa, ne bolar edi?
• Mahabbat adamǵa qandaı artyqshylyq beredi?
• Mahabbat adam boıynda jaqsy qasıetterdiń qalyptasýyna kómektese ala ma?

5-kezeń Mahabbattyń kemshilikterin anyqtaý.
• Mahabbatta kemshilikter bola ma?
• Mahabbat árqashan da jaqsylyq ákele me?
• Adam óz mahabbatynan zıan shege me?
• Mahabbat qaı ýaqytta jaǵymsyz qasıetke aınalady?
Mahabbat — ómir ózegi júkteý