InfoHub Logo

Sabaqtyń taqyryby: Mahambet Ótemisuly «Ereýil atqa er salmaı» óleńi
Sabaqtyń maqsaty:
Bilimdilik: Aqyn ómiri, óleńderiniń taqyryby, maqsaty, tarıhy týraly málimet berý, jańa qyrynan tanytý, qosymsha málimetter berý, óleńge taldaý jasaý.
Tárbıelik: Ultjandylyqqa, batyldyqqa, týǵan elin, jerin súıýge, qorǵaýǵa tárbıeleý.
Damytýshylyq: Qosymsha derekterdi paıdalaný, tanymdyq, shyǵarmashylyq izdeniske jeteleý, óz oılaryn erkin aıtýǵa, ádebı kórkem tilmen sóıleýge daǵdylandyrý.
Sabaq túri: Jańa bilimdi ıgertý.
Ádisi: oı tolǵaý, shyǵarmashylyq jumystar, toptyq jumys, óleń qurylysyna taldaý, mánerlep oqý, toptastyrý.
Kórnekiligi: slaıd, erdiń bes qarýy, han taǵy, aqynnyń «Jumyr qylysh» kúıi.
Pánaralyq baılanys: tarıh, qazaq tili, saz óneri páni.

Sabaq barysy
Uıymdastyrý. Oqýshylarmen amandasý, túgendeý. Zeıinderin shoǵyrlandyrý.
Muǵalimniń kirispe sózi.
- Balalar, biz sendermen Islam dáýirindegi ádebıet jáne sol kezeńdegi ádebıet ókilderi, olardyń týyndylarymen tanysyp, tolyqtaı bekittik. Endi búgin HİH ǵasyr ádebıetiniń iri ókili, daýyldy jyldardyń jalyndy jyrshysy bolǵan Mahambet Ótemisulynyń ómirimen, azattyq ıdeıa men azamattyq únge toly, naǵyz erlik jyry «Ereýil atqa er salmaı» óleńimen tanysamyz.
Sabaǵymyzdyń epıgrafy retinde Elbasy Nursultan Ábishuly Nazarbaevtyń “Mahambet – ulttyq tulǵa, onyń batyrlyǵyn, aqyndyǵyn, kúıshiligin, azamattyq jolyndaǵy kúreskerligin bolashaq urpaqtyń sanasyna sińetindeı etip keńirek dáripteý kerek” degen pikirin alyp otyrmyz.

İ tapsyrma: «Toptastyrý strategıasy»
Ár topqa tómendegideı kesteler taratylady. Toltyryp bolǵannan keıin ár toptyń spıkeri óz kestelerin qorǵaıdy.
1) Mahambet Ótemisuly kim?.......
2) Mahambet jyrlary………
3) Mahambettiń aınalasyndaǵy adamdar………….

İİ «Mıǵa shabýyl» strategıasy. Qyzyǵýshylyqty oıatý. «Oı qozǵar» ádisi.
Interaktıvti taqtadan 5 - 7 synyptarda ótken aqyn óleńderinen úzindiler keltiriledi, oqýshylar sony esterine túsirip, jatqa mánerlep oqyp beredi.
«Jalǵyzdyq»- Venera, «Qyzǵysh qus»- Ajar, «Muńaıma»- Ismaıyl, «Aı astynda...»- Aıtjan.

İİİ Kórinis.
Saraıda otyrǵan Jáńgir han. Aınalasynda Baımaǵambet sultan, saraıdyń bıleri, ýázirleri, t. b.
Jáńgir han Mahambetti shaqyryp:
- Aý, Mahambet! Aramyzdan shyqqan ot aýyzdy, oraq tildi aqyn emessiń be? Jyrla meni maqtap myna jurtqa.
Mahambet:
- Aıtsam aıtarmyn han Jáńgir, jurtqa jasaǵan isińdi. Qarapaıym halyqtyń aqysyn jep, tabanyńa taptamadyń ba myna jurtty? –
Han emessiń qasqyrsyń,
Qas albasty basqarsyń.
Dostaryń kelip tabalap,
Dushpanyń seni basqa ursyn.
Han emessiń aıansyń,
Aıyr quıryq shaıansyń, - dep aıta bergende Jáńgir han:
- Toqtat! Jetedi endi!

Muǵalim: Balalar, osy kórinis arqyly Mahambettiń boıynan qandaı qasıetterdi baıqaımyz?
Balalardyń jaýaby.

Muǵalim: Mahambet – halqyn súıgen, halyq muńyn jyrlaǵan, elim dep eńiregen aqyn. Mahambet poezıasy - óz dáýiriniń, sol kezdegi qanaýǵa qarsy kóterilgen sharýalar kóterilisiniń aıqyn úni. Otanyn súıgen patrıot - óleńderin kópshilik múddesi úshin jumsaǵan, eńbekshi sharýalardyń jyrshysyna aınalǵan. Búgingi qarastyrǵaly otyrǵan «Ereýil atqa er salmaı» óleńi osyǵan dálel bolady.