Mektep asqanalaryndaǵy qaýipsizdik: Densaýlyq saqtaý mınıstrligi baqylaý tásilderin ózgertedi
Mańǵystaý oblysynda oqýshylardyń jappaı ýlaný faktisi bilim berý uıymdaryndaǵy tamaqtaný sapasyn baqylaýdyń álsiz tustaryn aıqyndap berdi. Osyǵan baılanysty QR Densaýlyq saqtaý mınıstrligi mektep asqanalaryn memlekettik baqylaý tásilderin qaıta qaraýǵa kiristi.
Jańa tásilder aıasynda balalar mekemelerine erekshe mártebe beriledi, baqylaý júrgizer aldynda eskertý talaptary alynyp tastalady jáne sanıtarıalyq talaptardyń oryndalýyn tekserý úshin monıtorıńtik saparlar engiziledi.
Búginde qoldanystaǵy Kásipkerlik kodeks normalary memlekettik baqylaýdy tolyq qamtýǵa múmkindik bermeı otyr. Osyny eskere otyryp, Densaýlyq saqtaý mınıstrligi men Bas prokýratýranyń birlesken sheshimimen Mańǵystaý oblysyndaǵy bilim berý uıymdarynda jospardan tys tekserýler bastaldy.
Tekserý jumystary sheńberinde óńirdegi 72 bilim berý nysany anyqtalyp, qazirgi ýaqytta 14 mektep asqanasyna monıtorıń júrgizildi.
Oqıǵanyń sebepterin anyqtaý jáne mektep tamaqtaný qaýipsizdigin kúsheıtý maqsatynda arnaıy vedomstvoaralyq jumys toby quryldy. Oǵan Aqtóbe, Jambyl, Qostanaı oblystary men Almaty qalasynyń sanıtarıalyq-epıdemıologıalyq mamandary, sondaı-aq Qoǵamdyq densaýlyq saqtaý ulttyq ortalyǵynyń sarapshylary tartyldy.
You Might Also Like
-
Qazaqstanda orman órtterin boldyrmaýdyń jańa ári tabıǵı joly — kıikter bolýy múmkin. Ekolog Sáken Dildahmettiń aıtýynsha, kıikterdiń tabıǵı minez-qulqy men tirshilik salty eldegi dala jáne orman ekoj...
-
Memleket basshysy BUU aıasyndaǵy bitimgerlik mısıa kezinde erlik kórsetken qazaqstandyq áskerı qyzmetshilerdi marapattaý týraly jarlyqqa qol qoıdy, – dep habarlaıdy Infohub.kz.
