InfoHub Logo

Bıylǵy sáýirde elimizdiń túkpir-túkpirinde medısına salasynyń mamandary «Taza Qazaqstan» respýblıkalyq aksıasyna qoldaý kórsetip, qorshaǵan ortany qorǵaýǵa óz úlesterin qosty.

Aksıa aıasynda dárigerler saıabaqtar men gúlzarlardy abattandyryp, myńdaǵan aǵash otyrǵyzdy. Sondaı-aq medısınalyq uıymdar mańyndaǵy aýmaqtar tazalanyp, kórkeıtildi.

Astanada Densaýlyq saqtaý mınıstrliginiń qyzmetkerleri men Astana medısına ýnıversıtetiniń stýdentteri Tuńǵysh Prezıdent saıabaǵynda senbilik ótkizip, aýmaqty qoqystan tazartyp, júzdegen jasyl kóshetter otyrǵyzdy. Bul shara elordanyń tabıǵı kelbetin jaqsartyp, turǵyndarǵa jaıly orta qalyptastyrýǵa baǵyttaldy.

Aıta keteıik, respýblıka kóleminde ótken senbilikke on myńdaǵan medısına qyzmetkeri qatysyp, ekologıalyq jaýapkershilik pen qoǵamǵa qamqorlyqtyń jarqyn úlgisin kórsetti.