InfoHub Logo

Qazaqstanda mektep oqýshylarynan aqsha jınaǵan muǵalimder qatań jazaǵa ushyraıdy. Tipti jumystan qýylýy múmkin. Bul týraly búgin QR Bilim jáne ǵylym vıse-mınıstri Elmıra Sýhanberdıeva málim etti.

«Bizde mınıstr buıryǵymen mektepte túrli maqsattarǵa aqsha jınaýǵa tyıym salý boıynsha naqty qaǵıdalar bekitilgen. Ol burynnan bar, bul birinshi buıryq emes. Ol týraly barlyq bilim berý departamentteri men bólimshelerine aıtyldy. Biz mektepterde aqsha jınaýǵa tyıym salýǵa qatysty saıasatty qatań ustanamyz. Biraq bul talap jergilikti jerlerde buzylyp jatady», - dedi vıse-mınıstr Ortalyq komýnıkasıalar qyzmetinde ótken brıfıńte.

Onyń aıtýynsha, osy buıryqty buzǵan qyzmetkerlerge qatań jaza qoldanylady. Tipti jumystan shyǵarýǵa deıin barýy múmkin.

«Biz barlyq oqıǵalarǵa qatań sharalar qoldanyp kelemiz. Ony jiti baqylap, ata-analarmen birge aqsha jınaýǵa múldem qarsy ekenimizdi bildiremiz. Mektepte oqýshylardyń ata-analarynan aqsha jınaýǵa tyıym salý týraly mınıstr buıryǵy barlyq oblystyń, Astana men Almaty qalalarynyń bilim berý departamentterine joldanǵan. Aqsha jınaýǵa jol bergen qyzmetkerlerdi jumystan shyǵarýǵa deıin baramyz», - dedi Elmıra Sýhanberdıeva.

---