Mektepterdegi jańa baǵdarlama oqý úlgerimin 2 ese arttyrady - BǴM
QR Bilim jáne ǵylym vıse-mınıstri Asqat Aımaǵambetov jalpy mektepte qandaı baǵdarlamalar engizilip jatqanyn túsindirdi.
«Árdaıym Nazarbaev Zıatkerlik mektebi baǵdarlamasyna qatysty toqtalǵanda, adamdar ol jerde daryndy balalar oqıtynyn jáne osy baǵdarlamany jalpy mektepterge engizýdiń qajeti qansha ekenin aıtady. Bul turǵyda aıtarym, Nazarbaev Zıatkerlik mektepteri baǵdarlamasy jańartylǵan mazmun aıasynda dál sol qalpynda jalpy bilim beretin mektepterge engizilmeıdi. Iaǵnı bizdiń mektepterge Nazarbaev Zıatkerlik oqý oryndary tájirıbesi men ustanymdary boıynsha beıimdelgen baǵdarlamalar engizilýde», - dep toqtaldy Aımaǵambetov.
Osy oraıda ol jańa baǵdarlamany engizýdiń aldynda olar 30 qanatqaqty mektepte aprobasıadan ótkenin, sonymen qatar 16 baqylaý mektepteri bolǵanyn eske salyp ótti. Júrgizilgen monıtorıń nátıjesinde, jańartylǵan mazmun aıasyndaǵy baǵdarlamalar oqý úlgerimin eki esege arttyrýǵa yqpal etetindigi anyqtaldy. Qanatqaqty mektepter arasynda aýyldyq ári qalalyq bilim ordalary boldy.
Vıse-mınıstrdiń sózine qaraǵanda, qazirgi kezde mektepterdiń 70 paıyzǵa jýyǵy jańa túrlengen kabınettermen qamtamasyz etildi. Birneshe jyl boıy osyndaı kabınettermen ári jabdyqtarmen qamtý úshin maqsatty transfertter bólinýde.
Onyń atap ótýinshe, muǵalimderdiń biliktiligin arttyrý qadamdary da ózgerdi. Osy oraıda olar kýrstardy jańartylǵan mazmunmen ótip jatyr.
QazAqparat
You Might Also Like
-
"Qarakemer kásiptik koleji" MKQK 09-ED tobynyń stýdenti: Jurtbaı Janarbek matematıka pániniń oqytýshysy: Koshmýratova Amangýl Kalıbaevna
-
Búginde kásibı jáne áýesqoı sportshylar arasynda tanymal preparattardyń biri bolyp tabylatyn BCAA sarapshylar tarapynan aıtarlyqtaı synǵa ushyrap jatyr.
