InfoHub Logo

Ótken jyldyń sońynda buqaralyq aqparat quraldarynda Qazaqstannyń memlekettik organdarynyń serverlerine hakerlerdiń shabýyl jasap, shamamen jarty jyl boıy qupıa derekterge qol jetkizgeni týraly aqparat paıda boldy. Bul jaǵdaıǵa qatysty Sıfrlyq damý mınıstrligi pikir bildirdi.

Bul týraly Infohub.kz aqparat agenttigi habarlaıdy.

Ne boldy?

Kıber qylmystardy taldaý jáne zertteý ortalyǵynyń (QTAZO) derekterine silteme jasaǵan jarıalanymdarda hakerlerdiń Qazaqstannyń birneshe memlekettik organdarynyń sıfrlyq júıelerine jarty jyl boıy jasyryn qol jetkizip otyrǵany aıtylǵan.

Elektrondy poshta serverleriniń, domendik kontrollerlerdiń, joǵary ruqsatty jumys stansıalarynyń jáne basqa da mańyzdy ishki júıelerdiń buzylǵany habarlandy. Sarapshylar qyzmettik hat-habarlardyń aǵyp ketýi jáne aýqymdy kıbershabýyldyń saldary bolýy múmkin ekenin málimdedi.

Mınıstrliktiń jaýaby

Beıindi mınıstrliktegilerdiń aıtýynsha, QTAZO-nyń jarıa materıaldarynda kórsetilgen kıber oqıǵalar týraly aqparatty ýákiletti memlekettik organdar biledi.

«Atalǵan esep zamanaýı kıberqaýipter týraly habardarlyqty arttyrý jáne aqparattyq qaýipsizdik sharalaryn odan ári kúsheıtý maqsatynda daıyndalyp, jarıalandy», - delingen mınıstrliktiń resmı saýalǵa bergen jaýabynda.

Kıbershabýyldardan keıin «tıisti sıgnaldar eskerýge alynyp, belgilengen tártippen taldandy», dep habarlady mınıstrlik.

Olar oqıǵalar men olardyń saldarlaryn taldap, baǵalaǵan. Bul rette, jekelegen tekserý jáne taldaý is-sharalary jalǵasyp jatqandyqtan, qorytyndy sheshimder olar aıaqtalǵan soń qabyldanatyny aıtyldy.

Naqty qandaı serverlerge jáne qandaı memlekettik organdarǵa kıbershabýyl jasalǵany týraly aqparatty jarıalaýdyń qosymsha qaýip-qater týdyrýy múmkin ekenin alǵa tartyp, mınıstrlik jaýap bermedi.

Sonymen qatar, vedomstvo qazaqstandyqtardyń derekteri men memlekettik organdardyń qyzmettik hat-habarlarynyń aýqymdy aǵyp ketý faktilerin rastamady.

«Tekserý nátıjeleri boıynsha azamattardyń jeke derekteriniń aýqymdy aǵyp ketý faktileri rastalmady. Qyzmettik aqparattyń buzylýyna baılanysty jekelegen oqıǵalar qarastyryldy, olar qosymsha tehnıkalyq jáne krımınalısıkalyq tekserýden ótti (...) Qazirgi ýaqytta ulttyq nemese qoǵamdyq qaýipsizdikke qater tóndiretin kólemde qyzmettik hat-habarlardyń, ishki qujattardyń nemese tirkelgi derekteriniń júıeli aǵyp ketýi týraly rastalǵan derekter joq», - dep atap ótti mınıstrlik.

Zloýmyshlennıkterdiń ártúrli baǵdarlamalyq quraldardy, sonyń ishinde zıankestik baǵdarlamalardy qoldanǵany anyqtalǵannan keıin, qosymsha áreket etý sharalary qabyldanyp, qorǵaýdy kúsheıtý boıynsha usynystar jiberilgeni de aıtyldy.